Lucas 9:48 - Porciones del Nuevo Testamento

⁴⁸ mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Lucas 9:48 Iomraidhean Croise

Mateo 18:10

Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Mateo 18:14

Aramaʉ̃ kĩrãkꞌa marã Zeze ʉ̃tre bꞌʉbara krĩña ẽã iabꞌa aduaira za wĩka kedꞌeta.

Mateo 19:28

Mawũãĩ Jesúsbara mawũãsia: Mʉã wãrĩnu marãã jaraya, ne jõma zhiwidꞌita nʉmebʉrʉdꞌera, mʉ Beubari Bape bꞌadꞌara Reyta jewedꞌaya mʉzhi bugueta kĩrãwãrẽãne, marã mʉ pẽwã bꞌesidꞌa nokꞌorãta jewedꞌa duaneña bugue docedꞌe. Aramaʉ̃ne kꞌawua oduaneña Israel warrarã docedꞌebemata.

Mateo 25:40

Mawũãnaĩ mʉã Reyba panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ odꞌapeadꞌara mʉĩta osidꞌa.

Mateo 25:45

Mawũãnaĩ mʉãrã panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ o ẽbadꞌara mʉĩta kꞌãrẽ odꞌa ẽbasia.

Marcos 9:37

Mʉnebemata ĩjã bꞌʉdꞌeba iabꞌaʉba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa, mʉta bia edabʉrʉra bari mʉta bia edabʉrʉ ẽã, awuarabʉrʉ bia edabʉrʉa mʉ zokꞌadꞌata.

Lucas 10:16

Marã mʉnebemata bꞌe bedꞌeata ũrĩnarã mʉ bedꞌeata ũrĩnaña, marãta seribidꞌa ẽbʉrʉ mʉta seribidꞌa ẽã, mʉta seribidꞌa ẽãrã mʉ zokꞌadꞌata seribidꞌa ẽã.

Lucas 14:11

Bariduta zhi zromane bꞌʉra zhi zroma ẽãta bꞌeya, waya zhi zroma ẽãne bꞌʉta zhi zromata bꞌeya.

Lucas 22:26

Mawũãmina marã mawũã bꞌearãũdua, awuarabʉrʉ marãnebemata zhi zromata bꞌʉra zhi zroma ẽãne bꞌaibara. Nokꞌota bꞌʉra nezokꞌa kĩrãkꞌa bꞌaibara.

Lucas 22:30

Aramaʉ̃ne marã nekꞌodꞌaya baniã dodꞌaya mʉta Reyta bꞌʉ maẽ. Maʉ̃nerã marã bugue chubꞌedꞌe nokꞌota jewedꞌadꞌaya kꞌawua odꞌaita Israel warrarã docedꞌebemata.

Lucas 7:28

Mʉã marãã jaraya, wũẽrãba tobʉdara Daizezeba bedꞌeata jarabibarira audre zhi zroma ne ẽã Juan Burukꞌoemiã kꞌãñabara. Mawũãmina Daizezeta Nokꞌodꞌebemata zhi zroma ẽãta bꞌʉra zhi zroma izhi kꞌãñabara.

Juan 13:20

Mʉã wãrĩnu marãã jaraya: Mʉã zokꞌabʉrʉta bia edabʉrʉra mʉta bia edabʉrʉa, mʉ Zeze mʉ zokꞌadꞌata bia edabʉrʉa.

Juan 14:21

Mʉã jara bꞌʉta aribꞌae bꞌʉbara mʉrã kʉãgꞌa bꞌʉa. Mʉta kʉãgꞌa bꞌʉra mʉ Zezeba kʉãgꞌa baya, mʉãbidꞌa kʉãgꞌa baya, mobe mʉnebemata kꞌawuabi nʉmaña.