Lucas 9:44 - Porciones del Nuevo Testamento

⁴⁴ Bude badꞌaita mʉã jaraita bia ũrĩũdua. Mʉ Beubari Bape bꞌʉra chãbꞌaridꞌaya zhãrã juwuadꞌe.

Lucas 9:44 Iomraidhean Croise

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Mateo 26:2

Marãbara kꞌawua bꞌea Egiptodꞌeba ẽzoadꞌata krĩcha fiesta obadata ewari ũmene odꞌaya. Mʉ Beubari Bape bꞌʉra maʉ̃ne chãbꞌaridꞌaya cruzdꞌe kꞌachi beadꞌamarẽã.

Marcos 8:31

Jesúsbara jarakꞌasia izhi Beubari Bape bꞌʉra biodꞌe zuburiai barata, seribidꞌa ẽbaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Marcos 9:31

Maʉ̃ẽnabema izhara ũrãgꞌa nʉmasia izha jʉrʉkuadꞌata, maʉ̃nerã mawũãsia: Mʉ Beubari Bape bꞌʉra zhãrã juwuadꞌe chãbꞌaridꞌaya, maʉ̃nerã beadꞌaya. Mawũãmina beudꞌata piradrʉya ewari ũbeadꞌe.

Lucas 1:66

Zhi ũrĩbʉdabara jõmaʉ̃ba ãzhi sobitabaiba mawũãsidꞌa: ¿Kꞌãrẽ zhi zromata bꞌaipe maʉ̃ wũãwũã? Aramaʉ̃ne Daizeze zareara nʉmasia izhi ũme.

Lucas 18:31

Jesúsbara doce izha jʉrʉkuadꞌata awuara jʉre edape mawũãsia: Dazhirã wãrĩze wã Jerusalén pʉwʉrʉedꞌa, aranaʉ̃ne arimaẽ berabꞌariya Daizezeba bedꞌeata jarabibarirãba bꞌʉdꞌapeadꞌata mʉ Beubari Bape bꞌʉdꞌebemata.

Lucas 2:19

Mawũãmina Maríabara maʉ̃ jõma kĩrãkuitasia izhi sobitabaiba.

Lucas 2:51

Mobebʉrʉ ãzhi kꞌaidꞌu jẽrũya Nazaret pʉwʉrʉedꞌa wãpe ãzha jarabʉrʉdꞌe bꞌesia. Zhi papabara maʉ̃ jõma kĩrãkuitasia izhi sobitabaiba.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Lucas 9:22

mawũãsia: Mʉ Beubari Bape bꞌʉra ne biodꞌe zuburiaya, seribidꞌa ẽbaya nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Aramaʉ̃ne beabʉdadꞌera piradrʉya ewari ũbeadꞌe.

Juan 16:31

Mawũãnaĩ Jesúsbara panaʉ̃ mawũãsia: ¿Idꞌibʉrʉ ĩjãbʉdakꞌa?

Juan 16:4

Mʉãrã maʉ̃ta marãã jarabʉrʉa maʉ̃ ewarita zebʉrʉdꞌera marãba bude badꞌamarẽã ya mʉãrã marãã zhi jaramata. Maʉ̃ mʉãrã jẽdeubara marãã jara ẽbasia, mʉrã bꞌʉ baera marã bawara.

Juan 19:11

Mawũãĩ Jesúsbara panaʉ̃ mawũãsia: Bʉa mʉrã kꞌãrẽ sãwũã ẽbakꞌausia ʉ̃treba kꞌãwũã idaribi ẽbasibʉrʉ. Mawũẽ mʉta bʉ juwuadꞌe chãbꞌaridꞌatrʉ bʉ audre kꞌazhirua barasia.

Hechos 2:23

Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi.