Lucas 9:2 - Porciones del Nuevo Testamento

² Mobebʉrʉ jaradꞌe zokꞌakuasia Daizezeta Nokꞌodꞌebemata, aramaʉ̃ne bꞌebidꞌamarẽã kꞌayarãsidꞌa.

Lucas 9:2 Iomraidhean Croise

Mateo 10:5

Jesúsbara doce maʉ̃rãta zokꞌabʉrʉta mawũãsia: Judíorã ẽãta bꞌema wãrãũdua, Samaria druadꞌebema pʉwʉrʉdꞌera edꞌa wãrãũdua.

Mateo 13:19

Daizezeta Nokꞌodꞌebemata iabꞌaʉba ũrĩbʉrʉdꞌe sãwũãta kꞌawua ẽbʉrʉ, ãtõmiã bia ẽãta zepe bedꞌeata izha ũrĩnata ãĩ eda bꞌʉa izhi sodꞌeba. Maʉ̃ã ne ta pobʉrʉdꞌe odꞌe bꞌaedꞌata.

Mateo 24:14

Kꞌãwũã bedꞌea biata Daizezeta Nokꞌodꞌebemata jaradꞌaya ẽjũã jõmaʉ̃ maẽ, aramaʉ̃ne zhãrã jõmaʉ̃ba kꞌawuadꞌaya, mobebʉrʉ zeya ewari nʉmʉta jõĩrã.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Marcos 16:15

Mobe mawũãsia: Ẽjũã jõmaʉ̃ maẽ wãũdua, aramaʉ̃ne bedꞌea biata mʉnebemata jõmaʉ̃ã jaraudua.

Marcos 6:12

Jesúsba jʉrʉkuadꞌara wãnape zhãrã bꞌea jara jʉ̃drʉsidꞌa kꞌazhiruara ãmape Daizezeta pẽwãnamarẽã.

Lucas 10:1

Maʉ̃ tẽã Jesúsbara dewara awʉrʉrãta setenta jʉrʉkuape izhi naa ũme ũmekꞌa zokꞌakuasia pʉwʉrʉza izhi wãĩ maẽ.

Lucas 10:11

Egoro jarra marã pʉwʉrʉdꞌebema dai jẽrũma kꞌaradꞌara daibara niãwedꞌaya marã Daizezeba pua kꞌawua oidꞌebemata. Mawũãmina kꞌawuaudua, Daizezeta Nokꞌodꞌebema marã kꞌaita basia.

Lucas 10:9

Kꞌayata mama bꞌera bꞌebiudua, mobe mawũãũdua: Marã kꞌaita basia Daizezeta Nokꞌodꞌebemata.

Lucas 16:16

Ũrãgꞌara Moisédꞌeta tabꞌʉta, Daizezeba bedꞌeata jarabibarirãneta tabꞌʉta, tabꞌʉa Juanba jaradꞌa bitabai. Mamaʉ̃ba jara panʉã Daizezeta Nokꞌodꞌebemata, mawũẽ bio maʉ̃ne edꞌa wã krĩña bꞌea.

Lucas 9:11

Zhãrãbara kꞌawuadꞌape kꞌaidꞌu wãsidꞌa. Mawũẽ izhara bia edabʉrʉta jarakꞌasia Daizezeta Nokꞌodꞌebemata, bꞌebikuasia zhi bꞌei bara bꞌera.