Lucas 9:12 - Porciones del Nuevo Testamento

¹² Maʉ̃ne ewari keudꞌe izha jʉrʉkuadꞌata docebara orradꞌape mawũãsidꞌa: Zhãrã kꞌobꞌera wãbigarua wãnamarẽã pʉwʉrʉ zake tabꞌema, meã arakꞌaita bꞌema, maʉ̃za kꞌãĩguebʉdaba ũdudꞌamarẽã zhikota. Dazhirã namarã kꞌobꞌea kꞌãrẽ ne ẽã maẽ.

Lucas 9:12 Iomraidhean Croise

Mateo 14:13

Jesúsbara maʉ̃ta ũrĩpe mamaʉ̃bara dobꞌa jãbadꞌe wãsia miõ ne ẽãĩnu, zhãrãbara maʉ̃ta kꞌawuadꞌape kꞌaidꞌu jẽde wãsidꞌa pʉwʉrʉ tabꞌe maẽba.

Mateo 15:23

Jesúsbara panaʉ̃ ẽbasia, mawũẽ izha jʉrʉkuadꞌabara orradꞌape zuburia bedꞌea mawũãsidꞌa: Wãmarẽã jaradua, bꞌia taia dazhirã kꞌaidꞌu.

Mateo 15:32

Jesúsbara izha jʉrʉkuadꞌata trʉ̃pe mawũãsia: Mʉãrã zhãrã sozuburia kꞌobꞌʉa, mʉ bawara bꞌeta ewari ũbea babʉrʉta kꞌãrẽ kꞌoi ne ẽã bꞌea. Mʉãrã krĩña ẽã nekꞌo ẽã wãbigaira, manebʉrʉ nomadrʉdꞌaya odꞌe.

Lucas 9:11

Zhãrãbara kꞌawuadꞌape kꞌaidꞌu wãsidꞌa. Mawũẽ izhara bia edabʉrʉta jarakꞌasia Daizezeta Nokꞌodꞌebemata, bꞌebikuasia zhi bꞌei bara bꞌera.

Lucas 9:13

Mawũãnaĩ Jesúsbara mawũãsia: Marãba nekꞌobigaudua. Mawũãĩ ãzhara mawũãsidꞌa: Daibara eruduanuã pan juesoma, bꞌeda ũme, daita wãbʉda ẽbʉrʉ zhiko edadꞌe naʉ̃ jõmaʉ̃ kꞌabanaĩta.

Juan 6:1

Maʉ̃ tẽã Jesús kĩrãrã wãsia Galilea dota jedꞌea õbꞌʉdꞌe, maʉ̃ dora abꞌaʉta Tiberia abada.