Lucas 7:39 - Porciones del Nuevo Testamento

³⁹ Fariseo Jesús trʉ̃naba maʉ̃ta ũdui izhikusa mawũãsia: Naʉ̃ta Daizezeba bedꞌeata jarabibarita bꞌʉbʉrʉ kꞌawua kꞌausia wũẽrã sãwũã bꞌʉba izhi tõbꞌari kꞌobꞌʉta, kꞌazhirua omiãta bꞌʉta.

Lucas 7:39 Iomraidhean Croise

Mateo 20:16

Aramaʉ̃ kĩrãkꞌa zhi zromata bꞌeta zhi zroma ẽãta duaneña, waya zhi zroma ẽãta bꞌeta zhi zromata duaneña, maʉ̃ẽnabema Daizezebara bio trʉ̃kua nʉmʉkꞌãrĩã, mawũãmina bio ẽã zhi jʉrʉmarã.

Mateo 21:11

Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Marcos 7:21

Dazhi sodꞌebara ze bꞌʉa krĩchata bia ẽãta, kĩma ẽãta erukꞌãĩta, miã beaita,

Lucas 12:17

Mawũẽ izhikusa krĩcha mawũãsia: ¿Mʉã kꞌãrẽta oipe? Mʉã sãma wuagꞌaira ne ẽã mʉrẽ ne zaudꞌara.

Lucas 15:2

Mawũẽ fariseorãbara ũrãgꞌa Moisédꞌe jarabadabara jara mawũãsidꞌa: Naʉ̃bara bia eda bꞌʉa kꞌazhirua omiãrãta, nekꞌo bꞌʉa ãzhi bawara.

Lucas 16:3

Mawũãĩ ne akʉbarira izhikusa mawũãsia: ¿Mʉã kꞌãrẽta oi baraba? Mʉ nokꞌobara jãrĩña mʉ ne akʉ bꞌʉra. Traja ne kꞌoruira mʉãrã bꞌe ẽã, ne widꞌiira mʉrã pera.

Lucas 18:4

Izhara aribꞌae krĩña ẽã bꞌʉta ewari bio basia, mawũãmina maʉ̃ tẽã izhikusa mawũãsia: Mʉãrã Daizezera wawi ẽmina, miã zhãrã wawi ẽmina,

Lucas 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua. Mazhi sobitabaiba Daizezebara pua kꞌawua o ẽãta jarabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Lucas 7:16

Mawũẽ jõma peradꞌape Daizeze ibia jara mawũãsidꞌa: Naʉ̃ Jesús Daizezeba bedꞌeata jarabibarita zhi zromata piradrʉbʉrʉa dazhirãne edꞌa. Daizezera zebʉrʉa izhidꞌerãta kꞌarebadꞌe.

Lucas 7:37

Maʉ̃ne wũẽrã pʉwʉrʉdꞌebemata kꞌazhirua omiãba, Jesús mawũã fariseo dedꞌa nekꞌo bꞌʉta kꞌawuai botelladꞌe wesia kerata.

Lucas 7:38

Mobe izhi jẽrũ kꞌaita bꞌepe jẽrũ daubꞌaba surruabipe põãsã jaresia izhi budꞌaba. Mobe jẽrũ nigape ʉ̃rʉ̃ weasia kerata.

Lucas 7:40

Maʉ̃ne Jesúsbara mawũãsia: Simón, mʉã bʉaa ne jaraya. Mawũãĩ izhara mawũãsia: Jaradua Miã Ũrãgꞌabari.

Juan 4:19

Mawũãĩ wũẽrãbara mawũãsia: Nokꞌó, mʉma bʉra Daizezeba bedꞌeata jarabibaria.

Juan 7:12

Kꞌabanane edꞌara izhi ʉ̃rʉ̃rã biodꞌe bedꞌea jirpanʉta ʉ̃kʉrʉbara biata bꞌʉa aduanasia. Waya ʉ̃kʉrʉbara mawũã duanasia: Mawũã ẽã, awuarabʉrʉ zhãrãta sewa bꞌʉa.

Juan 9:24

Mawũẽ daʉbꞌerrea bꞌadꞌara wakusa trʉ̃nape mawũãsidꞌa: Daizeze kĩrãbita daia wãrãta jaradua. Daibara kꞌawua bꞌea kꞌãʉ̃ kꞌazhirua omiãta.