Lucas 6:27 - Porciones del Nuevo Testamento

²⁷ Marã mʉ bedꞌeata ũrĩ kꞌobꞌea mʉã marãã jaraya: Kʉãgꞌaudua marã jura bꞌera, bia oudua marã ũduama bꞌera.

Lucas 6:27 Iomraidhean Croise

Marcos 4:24

Dewara mawũãsia: Mʉã jara bꞌʉta kĩrãkuita ũrĩũdua. Marãba kĩrãkuita nʉme zadꞌe kꞌawuabigaya, baribʉrʉ marãã ãmaña kꞌawuabiya.

Lucas 23:34

Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.

Lucas 6:22

Sobiaudua zhãrãba marã ũduama edabʉdadꞌera, ãzhi maẽba jʉretabʉdadꞌera, ikꞌazhirua jarabʉdadꞌera, marã bia ẽkĩrãkꞌa seribidꞌa ẽãnerã mʉ Beubari Bape bꞌʉ kꞌarea.

Lucas 6:35

Maʉ̃ba kʉãgꞌaudua marã jura bꞌera, bia oudua, ne prestaudua, mawũãmina jẽrũya diamarẽã bꞌearãũdua. Mawũãrã Daizezebara marãã kꞌãrẽ waibꞌʉa dedꞌekaya, aramaʉ̃nerã Ʉ̃trebema warrarãta bꞌeaya. Izhara sozuburia bꞌʉa izhaa zhibia jidakꞌata, bia ẽãta bꞌeta.

Lucas 8:15

Mawũãmina ne ta pobʉrʉdꞌe egoro biadꞌe bꞌaedꞌara sobiadꞌe kĩrãẽpa Daizeze bedꞌeata ãzha ũrĩnane bꞌeta maʉ̃ã, aramaʉ̃ne eaba duane bꞌʉa baridua.

Lucas 8:18

Mʉã jara bꞌʉta kĩrãkuita ũrĩũdua, zhi bude erubꞌʉaara audre kꞌawuabiya, mawũãmina zhi bude erubꞌʉ ẽãrã wĩka erubꞌʉta krĩcha bꞌʉsidꞌa jãrĩña.

Lucas 8:8

Ʉ̃kʉrʉ egoro biadꞌe bꞌaepe waribʉrʉba zausia ta cienne abꞌa abꞌakꞌa. Jesúsbara maʉ̃ta jarape nemi jĩgua mawũãsia: Ne ũrĩ bꞌʉbara maʉ̃ta kĩrãkuita ũrĩdua.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 16:28

Maʉ̃ne Pablobara nemi jĩgua mawũãsia: Bʉzhikusa bia ẽãta orãrũã, dai jõma za kꞌopanʉã.

Hechos 7:60

Mobe sãkꞌokꞌodꞌe kꞌobꞌepe nemi jĩgua mawũãsia: Nokꞌó, naʉ̃rãta bedꞌea bara bꞌeabirãrũã kꞌãwũã kꞌazhiruata obʉda kꞌarea. Mawũãpe beusia.