Lucas 23:2 - Porciones del Nuevo Testamento

² Mobe ji mawũãsidꞌa: Naʉ̃ daibara ũdusidꞌa zhãrãta nokꞌorã bawara kĩrũbiga bꞌʉta. Jara bꞌʉa rey César plata diabadara diadꞌa ẽbaita, jara bꞌʉa izhira zhãrã Ẽdrʉbita Reyta.

Lucas 23:2 Iomraidhean Croise

Mateo 17:27

Mawũãmina bĩ ẽã duana ẽbamarẽã wãrũã do jedꞌea õbꞌʉidꞌu, mobe bꞌeda gadua, bʉa bꞌeda naara jiraedabʉrʉta itoebꞌaribʉrʉdꞌe yedꞌa ũduya platata, maʉ̃ta jiraedape maʉ̃ba pagꞌadua impuesto mʉrẽta bʉreta.

Mateo 22:21

Mawũãĩ mawũãsidꞌa: Césardꞌea. Mawũãnaĩ mawũãsia: Césardꞌera César diaudua, Daizezedꞌera Daizezea diaudua.

Mateo 27:11

Jesús edau nʉmasia nokꞌo Pilato kĩrãbita, maʉ̃bara widꞌi mawũãsia: ¿Bʉra Rey judíorãneka? Mawũãĩ Jesúsbara mawũãsia: Ara bʉzha jarabʉrʉa.

Marcos 12:17

Mawũãnaĩ Jesúsbara panaʉ̃ mawũãsia: Césardꞌera César diaudua, Daizezedꞌera Daizezea diaudua. Mawũãĩ bia akʉdruasidꞌa izhira.

Marcos 15:2

Mawũẽ Pilatobara widꞌi mawũãsia: ¿Bʉra Rey judíorãneka? Mawũãĩ Jesúsbara panaʉ̃ mawũãsia: Ara bʉzha jarabʉrʉa.

Lucas 23:14

Mobe mawũãsia: Marãbara ũmakĩrã naʉ̃ mʉma wesidꞌa zhãrãta nokꞌorã bawara kĩrũbiga bꞌʉ baera, mawũãmina mʉã mazhi kĩrãbita widꞌibʉrʉba mʉma naʉ̃ bedꞌea ne ẽã marãba maʉ̃ne ji kꞌobꞌedꞌera.

Lucas 23:5

Mawũãĩ ãzhara wuaabʉrʉ mawũãsidꞌa: Zhãrãta nokꞌorã bawara kĩrũbiga bꞌʉta miã ũrãgꞌa bꞌʉa Judea drua jõma, Galilea druadꞌeba erujʉ̃drʉdꞌata naĩnu ba.

Juan 18:29

Mawũẽ Pilato ãzhima zepe mawũãsia: ¿Naʉ̃ kꞌãrẽã ji kꞌopanʉ?

Juan 18:30

Mawũãĩ panaʉ̃ mawũãsidꞌa: Naʉ̃ta bia ẽãta obari ẽbʉrʉ daibara bʉaa chãbꞌaridꞌa ẽbakꞌausia.

Juan 19:12

Mawũãĩ Pilatobara Jesús ẽna krĩñasia. Mawũãmina judíorãbara nemi jĩgua mawũãsidꞌa: Bʉa naʉ̃ta ẽnarã, César bawara bʉra zhibia ẽã. Iabꞌa izhitrʉ reydꞌe bꞌʉra César rey wagꞌau bawara zhi jura.

Hechos 24:13

Miã naʉ̃rãbara bʉaa kꞌawua jara bꞌedꞌa ẽã mʉ kꞌãrẽã kꞌãwũã jirpanʉrã.

Hechos 24:5

Daibara kꞌawuasidꞌa ũmakĩrã naʉ̃ ne kꞌazhiruata, ẽjũã jõmaʉ̃ maẽ judíorã jõma kĩrũbiga bꞌʉa, Nazaredꞌebema ũrãgꞌadꞌe bꞌe nokꞌoa.

Romanos 13:7

Jõmaʉ̃ã diaudua marãba diaita bꞌʉra: Ne erubꞌʉbari nokꞌorã plata diaita bꞌʉra diauduaa. Drua ãĩba ne webʉrʉbari nokꞌorã plata diaita bꞌʉra diaudua. Wawiaita bꞌʉra wawiaudua. Zhi zromane edaita bꞌʉra zhi zromane edaudua.