Lucas 22:32 - Porciones del Nuevo Testamento

³² Mawũãmina mʉrã bʉ bari Daizezea zuburia bedꞌeasia, mʉnebema ĩjã bꞌʉta kenabꞌari ẽbamarẽã. Mawũẽ bʉta wakusa mʉ pẽwãbʉrʉdꞌera jipa nʉmeãĩta kꞌarebarua bʉzhi mebẽrãta.

Lucas 22:32 Iomraidhean Croise

Mateo 18:3

mawũãsia: Mʉã wãrĩnu marãã jaraya, bia ẽãrã idu bꞌʉdꞌape marãta wũãwũãrã kĩrãkꞌa zhi zroma ẽãne duanu ẽbʉrʉ, edꞌa wãna ẽã ʉ̃tre Daizezeta Nokꞌo maẽrã.

Mateo 26:75

Mobebʉrʉ Pedrobara bude basia Jesúsba mawũãnata: Gallo berui nawedꞌa bʉa mʉrã ũdukꞌata jarama ũbea jaraya. Aramaʉ̃ne Pedro ãĩ wãpe jẽgasia kꞌãbãẽã sopua.

Marcos 14:72

Maʉ̃ daucha gallo berusia beruma ũmeta. Mobebʉrʉ Pedrobara bude basia Jesúsba mawũãnata: Gallota beruma ũme berui nawedꞌa bʉa mʉrã ũdukꞌata jarama ũbea jaraya. Maʉ̃ta krĩchape Pedro jẽgasia.

Marcos 16:7

Wãũdua, mobe izha jʉrʉkuadꞌaa, Pedroa jaraudua izhira marã na Galileaedꞌa wãta. Maĩnu ũdudꞌaya izha marãã jaradꞌa kĩrãkꞌa.

Lucas 8:13

Ne ta pobʉrʉdꞌe mongꞌaradꞌe bꞌaedꞌara Daizeze bedꞌeata ũrĩbʉdadꞌera sobia ũrĩbadata maʉ̃ã. Mawũãmina bia kꞌarra jidadꞌa ẽã, mawũẽ ĩjã bꞌeta dããrã ẽãne zuburiabʉdadꞌera ĩjã ẽã kenabꞌaribada.

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Romanos 8:32

Daizezebara miã zhi Warrasidꞌa wããgꞌa ẽbasia, awuarabʉrʉ bebuidꞌu chãbꞌarisia dazhirã jõmaʉ̃bari. ¿Mawũẽ dazhirãã sãwũã ne jõma dia ẽbaipe zhi Warra bawaraua?

Romanos 8:34

¿Kꞌaiba bedꞌea bara bꞌʉa aipe? Miõba bedꞌea bara bꞌʉa a ẽã Cristota dazhibari beudꞌaba. Beudꞌata piradrʉpe Daizeze juwua araare bꞌʉa, zhiwidꞌi bꞌʉa dazhirãbari.