Lucas 20:35 - Porciones del Nuevo Testamento

³⁵ Mawũãmina Daizezeba ʉ̃tre bꞌeabigaita beudꞌata piradrʉbʉdadꞌera miã kꞌãĩna ẽã.

Lucas 20:35 Iomraidhean Croise

Mateo 12:32

Bariduta mʉ Beubari Bape bꞌʉta bĩ ẽã jaradꞌata zuburia bedꞌeara Daizezebara bedꞌea ne ẽã bꞌʉya. Mawũãmina Jawurebiama mitia bedꞌeabʉrʉra bedꞌea ne ẽã bꞌʉ ẽã, miã naʉ̃ ewade miã ewari tẽãbidꞌa.

Mateo 22:29

Mawũãnaĩ Jesúsbara panaʉ̃ mawũãsia: Marã wãẽã bꞌeba maʉ̃ẽnabemata zhi bꞌʉmarã sãwũãta kꞌawuadꞌa ẽã, miã Daizeze zareara sãwũãta kꞌawuadꞌa ẽã.

Marcos 10:42

Mawũẽ Jesúsbara trʉ̃kuape mawũãsia: Marãbara kꞌawua bꞌea naʉ̃ ẽjũãne nokꞌota bꞌebara zhãrã ãzhi edre erunʉmeã, zhi zromata bꞌera aramaʉ̃ne zhãrã ʉ̃rʉ̃ zarea nʉmeã.

Marcos 12:24

Mawũãnaĩ Jesúsbara panaʉ̃ mawũãsia: Marã wãẽã bꞌeba maʉ̃ẽnabemata zhi bꞌʉmarã sãwũãta kꞌawuadꞌa ẽã, miã Daizeze zareara sãwũãta kꞌawuadꞌa ẽã.

Lucas 16:8

Ne akʉbarita bia ẽãrã izhi nokꞌobara ibia jarasia mawũã kꞌãrẽ sãwũã oira bigaudꞌeba. Aramaʉ̃ne naʉ̃ ẽjũãne bꞌera zhãrã sãwũã edaira audre bigauta bꞌea Daizeze warrarã kꞌãñabara.

Lucas 21:36

Mawũẽ kĩrãkuita bꞌeaudua, baridu ʉ̃madaudꞌe zhiwidꞌi bꞌeaudua, aramaʉ̃ne ẽdrʉdꞌaitrʉ bꞌeaudua ne bio mawũã menajacha bʉsadꞌewaidꞌera. Mawũãrã kꞌãrẽã peradꞌai ne ẽã kꞌobꞌeaya mʉ Beubari Bape bꞌadꞌa kĩrãbita.

Juan 5:29

Mawũẽ biata odꞌapeadꞌara piradrʉdꞌaya Daizeze ũme bꞌai jõ ẽã bꞌaita, mawũãmina bia ẽãta odꞌapeadꞌara piradrʉdꞌaya aduaita.

Hechos 24:15

Mʉãrã ãzhidꞌe kĩrãkꞌa ĩjã bꞌʉa Daizezebara beudꞌapeadꞌara piradrʉbigaita biata bꞌeta bia ẽãta bꞌeta.

Hechos 5:41

Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea.