Lucas 20:16 - Porciones del Nuevo Testamento

¹⁶ Wãpe uvadꞌe trajabadara beakuaya, mobe izhi uvara chãbꞌariya awʉrʉrãã. Zhãrã kꞌobꞌebara maʉ̃ta ũrĩnaĩ mawũãsidꞌa: ¡Maʉ̃nebara daira Daizezeba kꞌarebaidꞌe bꞌʉa!

Lucas 20:16 Iomraidhean Croise

Mateo 21:34

Uva bꞌʉabada ewade nezokꞌarã izhidꞌeta zokꞌasia uvadꞌe trajabadama, jidadꞌamarẽã uva izhaa diabʉdata.

Mateo 21:41

Mawũãĩ mawũãsidꞌa: Bia ẽãta bꞌera sozuburia ẽã makenaña, mobe uva izhidꞌera awʉrʉrã uvadꞌe trajabadaa arrendaya. Aramaʉ̃ne izhaa diadꞌaira diadꞌamarẽã uva bꞌʉabada ewade.

Mateo 22:7

Maʉ̃ta reyba ũrĩbʉrʉdꞌera kĩrũpe zokꞌasia soldaorã izhidꞌeta, aramaʉ̃ne makenasia maʉ̃rã miã beamiãta bꞌera, mobe basia ãzhi pʉwʉrʉra.

Marcos 12:9

¿Aramaʉ̃nerã uva zhibaribara sãwũã oipe? Wãpe beakuaya uvadꞌe trajabadara, mobe uva izhidꞌera chãbꞌariya awʉrʉrãã.

Lucas 19:27

Mʉ jura bꞌeba mʉ ãzhi rey baita krĩñana ẽãsidꞌa naĩnu weudua, mobe otatukuaudua mʉ kĩrãbita.

Lucas 20:15

Aramaʉ̃ne uvadꞌebara ãĩ jʉretadꞌape beasidꞌa. ¿Aramaʉ̃nerã uva zhibaribara sãwũã okuaipe?

Hechos 13:46

Mawũẽ Pablobara, Bernabébara wãnigua mawũãsidꞌa: Wãrãnebai marãã naara jaradꞌaita bara basia Daizeze bedꞌeara. Mawũãmina seribidꞌa ẽãba marãĩtabemata krĩchadꞌa ẽã Daizeze ũme bꞌai jõ ẽãrã, mawũẽ daira wãnaña judío ẽãta bꞌema.

Romanos 11:1

Maʉ̃neba mʉã widꞌiya: ¿Daizezebara izhidꞌerã kenabꞌarisika? Mawũã ẽã. Mʉsidꞌa israelitarãta Abrahamneba uruta Benjamín warrarãnebema.

Romanos 11:11

Maʉ̃neba mʉã widꞌiya: ¿Israelitarã Cristodꞌebema ĩjãna ẽãba tẽnedrʉbʉdara jipa bꞌaesidꞌakꞌa? ¡Mawũã ẽã! Baribʉrʉ aribꞌaedꞌa ẽãnebara Daizezebara judíorã ẽãta ẽdrʉbi nʉmʉã, aramaʉ̃ne Judíorãta bĩ ẽã bꞌeamarẽã.

Romanos 3:31

¿Mawũã Jesúsdꞌebema ĩjãbʉrʉdꞌeba seribidꞌa ẽbaika Moisé ũrãgꞌara? ¡Mawũã ẽã! Awuarabʉrʉ mawũãrã aribꞌae bꞌea maʉ̃ ũrãgꞌata.

Romanos 3:4

¡Mawũã ẽã! Baribʉrʉ Daizezera wãrĩnu bedꞌea bꞌʉa, maʉ̃ne zhãrã bꞌera jõma sewa nebʉrʉmiã. Maʉ̃ẽnabemata zhi bꞌʉmata mawũã bꞌʉa: Wãrĩnuã adꞌaya bʉa jarabʉrʉ bedꞌeara, aramaʉ̃ne kiaweya bʉta jibʉrʉra. (Salmos 51:4)

Romanos 3:6

¡Mawũã ẽã! Daizezeta biata bꞌʉ ẽbʉrʉ, ¿sãwũã kꞌawua oipe ẽjũãne zhãrã bꞌera?

Romanos 6:15

¿Mawũẽ sãwũãpe? ¿Kꞌazhiruara odꞌaika Moisé ũrãgꞌa edre duanu ẽbaera, mawũã odꞌaika Daizezeba izhi biaba ẽdrʉbidꞌa edre duanu baera? ¡Mawũã ẽã!

Romanos 6:2

¡Mawũã ẽã! Kꞌazhiruara odꞌa ẽãba dazhira ya beusia kꞌazhiruaitara. ¿Mawũẽ sãwũã wadꞌi kꞌazhiruadꞌe bꞌeaipe?

Romanos 7:13

¿Mawũã biata mʉrã aduabiita beai basika? ¡Mawũã ẽã! Awuarabʉrʉ kꞌazhiruata obꞌʉdꞌebara mʉrã aduaita beuita maʉ̃ mawũã biadꞌeba kꞌawuasia, mawũẽ maʉ̃ ũrãgꞌadꞌebara dajada nʉmʉã kꞌazhiruara jipadꞌe kꞌazhiruata.

Romanos 7:7

¿Mawũẽ kꞌasia adꞌaipe? ¿Moisé ũrãgꞌara kꞌazhiruakꞌa? ¡Mawũã ẽã! Baribʉrʉ mʉãrã kꞌazhiruara sãwũãta kꞌawua ẽãta kꞌawuasia Moisé ũrãgꞌadꞌeba. Miã mʉãrã kꞌawua ẽbakꞌausia ne zhãrãne krĩña bꞌe ẽãrã, maʉ̃ne Moisé ũrãgꞌabara mawũã bꞌʉa: Ne zhãrãne krĩñarãrũã.

Romanos 9:14

¿Mawũẽ kꞌasia adꞌaipe? ¿Daizezebara bia ẽãta obꞌʉka? ¡Mawũã ẽã!