Lucas 2:46 - Porciones del Nuevo Testamento

⁴⁶ Aramaʉ̃ne ewari ũbeadꞌe Daizeze dedꞌa ewara maẽ ũdusidꞌa, ũrãgꞌa Moisédꞌe jarabada bawara jewedꞌa bꞌʉta bedꞌeata ũrĩ widꞌika bꞌasia.

Lucas 2:46 Iomraidhean Croise

Mateo 12:40

Bꞌeda zroma bꞌitaedꞌa Jonásta ewarita ũbea diamaseta ũbea bꞌadꞌa kĩrãkꞌa, mʉ Beubari Bape bꞌʉsidꞌa beudꞌata egorodꞌe edꞌa tabꞌaya ewarita ũbea diamaseta ũbea.

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Lucas 2:47

Izhi bedꞌeata ũrĩ nʉmebara bia akʉ duanasia krĩcha bara bꞌʉdꞌeba kꞌãrẽ bia panaʉ̃ bꞌʉba.

Lucas 5:17

Ewari abꞌa Jesús miã ũrãgꞌa nʉmʉne jewedꞌa duanasia fariseorãta ũrãgꞌa Moisédꞌe jarabada bawara. Ãzhira pʉwʉrʉ zaketa tabꞌe maẽba zekuasia Galilea druadꞌeba, Judea druadꞌeba, Jerusalénneba. Maʉ̃nerã Daizeze zareara Jesú ũme nʉmasia zhãrã bꞌebiita.

Juan 3:10

Mawũãĩ Jesúsbara panaʉ̃ mawũãsia: ¿Bʉra Israel bꞌeta ũrãgꞌabarita maʉ̃ sãwũãta kꞌawua ẽka?

Hechos 5:34

Maʉ̃ne nokꞌorã wagꞌaurãneba piradrʉsia fariseo Gamaliel abadata Moisé ũrãgꞌadꞌe bigauta zhãrã jõmaʉ̃ba wawideta. Maʉ̃bara jarasia aritiaedꞌa ãĩ ededꞌamarẽã Jesúsba zokꞌakuadꞌara.