Lucas 19:37 - Porciones del Nuevo Testamento

³⁷ Olivo kꞌatumaneba edꞌaa wãbari kꞌaita zebʉdadꞌera, izhi pẽwã bꞌeta kꞌabanarã jõma sobiabʉdaba nemi jĩgua Daizeze ibia jarasidꞌa, ne jõmaʉ̃ biata obʉrʉta ũdudꞌapeadꞌa kꞌarea.

Lucas 19:37 Iomraidhean Croise

Mateo 21:1

Jerusalén kꞌaita babʉdadꞌe, Betfagé pʉwʉrʉedꞌa zebʉdata Olivo kꞌatumaẽna zebʉdadꞌera Jesúsbara izha jʉrʉkuadꞌata ũme zokꞌabʉrʉta,

Marcos 13:3

Olivo kꞌatumane Jesús jewedꞌasia Daizeze de kĩrãbita. Maʉ̃ne Pedroba, Jacoboba, Juanba, Andrésba dobꞌaʉa widꞌi mawũãsidꞌa:

Marcos 14:26

Trʉ̃ãbi Salmota trʉ̃ãnape wãsidꞌa Olivo kꞌatumaĩnu.

Lucas 18:43

Audre ẽãne ne ũdusia, mawũẽ kꞌaidꞌu tebasia Daizeze ibia jara. Zhãrã jõmaʉ̃ba maʉ̃ta ũdudꞌai ibia jarasidꞌa Daizezera.

Lucas 19:20

Dewara zepe mawũãsia: Nokꞌó, bʉ mina za bꞌʉa, mʉãrã wuagꞌa erubꞌasia wua zakedꞌe.

Lucas 19:29

Pʉwʉrʉ Betfagé kꞌaita, Betania pʉwʉrʉ kꞌaita zebʉrʉta, Olivo kꞌatuma abadaidꞌu zebʉrʉdꞌera Jesúsbara izha jʉrʉkuadꞌata ũme zokꞌabʉrʉta,

Lucas 19:36

Bia edabʉdata izhi wã maẽ zhãrãbara ãzhidꞌe wua ãnebꞌari bꞌeta ewarazoasidꞌa odꞌe.

Lucas 7:16

Mawũẽ jõma peradꞌape Daizeze ibia jara mawũãsidꞌa: Naʉ̃ Jesús Daizezeba bedꞌeata jarabibarita zhi zromata piradrʉbʉrʉa dazhirãne edꞌa. Daizezera zebʉrʉa izhidꞌerãta kꞌarebadꞌe.

Juan 12:18

Maʉ̃ kꞌarea zhãrãbara Jesús kĩrãzhu zesidꞌa, ũrĩsidꞌa baera izha odꞌata maʉ̃ ũdudꞌakꞌata.