Lucas 15:28 - Porciones del Nuevo Testamento

²⁸ Mawũãĩ maʉ̃ kꞌarea kĩrũpe edꞌa wã krĩña ẽbasia. Mawũẽ zhi zezera ãĩ zepe zuburia bedꞌeasia edꞌa wãmarẽã.

Lucas 15:28 Iomraidhean Croise

Mateo 20:11

Mawũã jidadꞌai uva zhibarira bĩ ẽã jarabʉdata,

Marcos 1:40

Jesúsma zesia aidꞌaba kꞌaya bꞌʉta, mobe zuburia bedꞌea sãkꞌokꞌodꞌe kꞌobꞌepe mawũãsia: Bʉa krĩñabʉrʉ mʉrã nene ẽã bꞌebirua.

Lucas 13:34

¡Jerusalén, Jerusalén, marãbara Daizezeba bedꞌeata jarabibarirã bea bꞌea, mongꞌaraba tabꞌari bea bꞌea marãma zokꞌakuabʉrʉra! ¡Mʉã marã biodꞌe ãba jʉre krĩñasia eterreba zhi warrarãta i edre ãba jʉrebari kĩrãkꞌa, mawũãmina marãbara krĩñana ẽbasia!

Lucas 15:2

Mawũẽ fariseorãbara ũrãgꞌa Moisédꞌe jarabadabara jara mawũãsidꞌa: Naʉ̃bara bia eda bꞌʉa kꞌazhirua omiãrãta, nekꞌo bꞌʉa ãzhi bawara.

Lucas 15:27

Mawũẽ maʉ̃bara mawũãsia: Bʉ mebeata zesia, mawũẽ bʉ zezebara pakꞌa zake boregueata beabisia bia bika ibꞌari baera.

Lucas 15:29

Mawũãĩ izhara panaʉ̃ zhi zezea mawũãsia: Año bio babʉrʉa mʉrã bʉita traja bꞌʉta, bʉa jarabʉrʉra mʉãrã aribꞌae ẽã nʉmakꞌa. Maʉ̃ta bʉara diakꞌa miã chivo zakesidꞌa mʉta sobiaira mʉ ũme zhibiarã bawara.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Lucas 5:30

Mawũẽ ũrãgꞌa Moisédꞌe jarabadabara fariseorã bawarauba Jesúsba jʉrʉkuadꞌata jara mawũãsidꞌa: ¿Marã kꞌãrẽã nekꞌo duanu impuesto widꞌibada bawara, dewaraurã kꞌazhirua omiãrã bawara?

Lucas 7:39

Fariseo Jesús trʉ̃naba maʉ̃ta ũdui izhikusa mawũãsia: Naʉ̃ta Daizezeba bedꞌeata jarabibarita bꞌʉbʉrʉ kꞌawua kꞌausia wũẽrã sãwũã bꞌʉba izhi tõbꞌari kꞌobꞌʉta, kꞌazhirua omiãta bꞌʉta.

Hechos 13:45

Mawũãmina judíorã nokꞌorãba kꞌabanata ũdudꞌai kꞌãbãẽã bĩ ẽãbʉdaba jarasidꞌa Pabloba jarabʉrʉra mawũã ẽãta, aramaʉ̃ne bĩ ẽã jarasidꞌa.

Hechos 13:50

Mawũãmina judíorã wũẽrãrãã bedꞌeasidꞌa judío bape zhi zromata bꞌe bawara, bedꞌeasidꞌa nokꞌorã pʉwʉrʉdꞌebema bawarabidꞌa. Aramaʉ̃ne Pablo ʉ̃rʉ̃, Bernabé ʉ̃rʉ̃ bedꞌeata obibʉdaba maʉ̃rã jʉretasidꞌa ãzhi druadꞌebara.

Hechos 14:19

Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.

Hechos 14:2

Mawũãmina judíorã zhi ĩjãna ẽãbara judíorã ẽãta krĩcha ãrĩsidꞌa mebẽrã ʉ̃rʉ̃.

Romanos 10:19

Mʉã wakusa widꞌiya: ¿Maʉ̃ kꞌawuadꞌa ẽka Israel bꞌebara? Maʉ̃ẽnabemata Daizezebara naara Moisédꞌeba mawũãsia: Mʉã marã bĩ ẽãbiya mʉrẽrã ẽãta bia edabʉrʉba, mʉnebema kꞌawua ẽã bꞌeadꞌata bia edabʉrʉba kĩrũbigaya. (Deuteronomio 32:21)