Lucas 12:42 - Porciones del Nuevo Testamento

⁴² Mawũãĩ Nokꞌo Jesúsbara mawũãsia: ¿Nezokꞌata ne aribꞌae krĩcha bara bꞌʉra izhi nokꞌobara izhi dedꞌa bꞌe ʉ̃rʉ̃ bꞌʉi ẽka nekꞌobada ʉ̃madaudꞌe ne dedꞌekamarẽã?

Lucas 12:42 Iomraidhean Croise

Mateo 13:52

Mawũãnaĩ izhara mawũãsia: Moisédꞌe ũrãgꞌa zõrãta jarabarita bꞌeba Daizezeta Nokꞌodꞌebemata ũrãgꞌa zhiwidꞌita kꞌawabʉdara de zhibari kĩrãkꞌa bꞌʉa, ne biata izhidꞌe maẽbara erbꞌaribaria ne zhiwidꞌita ne zhi zõrãta.

Mateo 20:8

Keubʉrʉdꞌera uva zhibaribara trajabada nokꞌoa mawũãsia: Trajabadara trʉ̃kuape pagꞌadua ãzhi jornal. Naara diadua tẽã zekuadꞌaa, mobebʉrʉ diadua naara zekuadꞌaa.

Lucas 12:43

Nezokꞌa maʉ̃ sobiaya izhi nokꞌo zebʉrʉdꞌe maʉ̃ta aribꞌae nʉmʉta ũdu zera.

Lucas 7:13

Nokꞌo Jesúsba ũdui sozuburiape mawũãsia: Jẽgarãrũã.

Lucas 7:19

Mobe Jesúsma zokꞌakuasia widꞌi mawũãnamarẽã: ¿Bʉka zhãrã Ẽdrʉbiita zeita bꞌadꞌara, o daibara wadꞌi awʉrʉta jʉ̃ãnaĩ?

Hechos 20:28

Maʉ̃ba mazhikusa kĩrãkuita bꞌeaudua, Jesúsdꞌebema ĩjã bꞌe jõmaʉ̃ kꞌarea kĩrãkuita bꞌeaudua, maʉ̃ kꞌarea marã Jawurebiaba bꞌʉsia jʉredꞌamarẽã mebẽrã Nokꞌo Jesúsdꞌeta, maʉ̃rã izha edadꞌata izhi waba.