Lucas 10:34 - Porciones del Nuevo Testamento

³⁴ Mawũẽ orrape zhara kꞌõgꞌozoadꞌata wuaba pãrĩkuasia, maʉ̃nerã vinoba sʉgʉpe olivo dragꞌaba soasia. Mobe izhi burrodꞌe kꞌobꞌʉpe edesia odꞌe wã nʉmʉta kꞌãĩbadaidꞌu, aramaʉ̃ne akʉsia.

Lucas 10:34 Iomraidhean Croise

Marcos 14:8

Naʉ̃ wũẽrãbara izha osia bꞌʉta obʉrʉa. Mʉ kꞌakuara nawedꞌa keraba tũã obʉrʉba aribꞌaebʉrʉa mʉ wuagꞌa bꞌʉdꞌaita.

Lucas 10:33

Mawũãmina Samariadꞌebemata odꞌe wãta izhi kꞌaita zebʉrʉdꞌe ũdui sozuburiasia.

Lucas 10:35

Nrũẽma izhi wãba plata ewari ũme erbꞌaribʉrʉta denario ũme erbꞌaripe de zhibaria diabʉrʉta mawũãsia: Naʉ̃ta akʉdua. Jõma bʉa audre gastabʉrʉra mʉã pagꞌaya mʉ wakusa zebʉrʉdꞌe.

Lucas 2:7

Aramaʉ̃ne to edasia zhi wau ãwũẽrã wũãwũãta. Mobe wuaba burape bꞌarizhirusia nendʉwʉrʉ nekꞌobadadꞌe. Mawũã osia ãzhiitara bari nʉmʉ ẽãba ãĩba zebʉrʉ kꞌãĩbibada deta.

Romanos 12:20

Maʉ̃ba bʉ jura bꞌʉta jarra kꞌobꞌʉra nekꞌobirua. Obisia kꞌobꞌʉra baniã dobirua. Mawũã obʉrʉbara bʉta bĩ ẽã odꞌaba peraya. (Proverbios 25:21-22)