Lucas 1:80 - Porciones del Nuevo Testamento

⁸⁰ Zacaría warra zarea warisia Jawurebiaba. Izhira drua drudrua tabꞌʉ maẽ bꞌasia miã ũrãgꞌaita zhi ũdubigadꞌa ewariidꞌu Israel bꞌea.

Lucas 1:80 Iomraidhean Croise

Mateo 11:7

Juanba zokꞌakuadꞌata wãbʉdadꞌera Jesúsbara Juan jarabʉrʉta zhãrã kꞌobꞌea mawũãsia: ¿Drua drudrua tabꞌʉidꞌura marãbara kꞌãrẽta akʉdꞌe jũẽsidꞌa? ¿Bariduta bꞌʉta akʉdꞌe jũẽsidꞌakꞌa?

Mateo 3:1

Jari ewadera Juan Burukꞌoemiã zepe Judea druadꞌe drua drudrua tabꞌʉ maẽ miã ũrãgꞌabʉrʉta,

Lucas 1:15

Izhira Daizeze kĩrãbita zhi zromata bꞌaya. Dokꞌa baya ituata miã ne oregueata. Jawurebiaba bira bꞌaya zhi papa bꞌitaedꞌawedꞌa.

Lucas 2:40

Wũãwũã zarea wari wãta krĩcha bara wãsia. Daizezebara bia erunʉmasia izhira.

Lucas 2:52

Jesús wari wãta krĩcha bara wari wãsia. Bia erunʉmasia Daizezeba dewara zhãrãba.

Juan 1:31

Jesús kꞌaira mʉãrã kꞌawua ẽbasia, mawũãmina Israel bꞌeba ũdukꞌawadꞌamarẽã mʉãrã zhãrãta buru kꞌoe zebʉrʉa baniãba.

Hechos 18:28

Jesúsdꞌebema ĩjãna ẽãneba jõmaʉ̃ daidꞌu zarea bedꞌeasia judíorãã, zhi bꞌʉmaneba kꞌawuabiga nʉmasia Jesúra zhãrã Ẽdrʉbita.