Lucas 1:32 - Porciones del Nuevo Testamento

³² Izhira zhi zroma baya, izhira Ʉ̃trebema Warra adꞌaya. Daizezebara Reyta bꞌʉya David bꞌadꞌa kĩrãkꞌa, zõrã izhi uruta bꞌadꞌa kĩrãkꞌa.

Lucas 1:32 Iomraidhean Croise

Mateo 1:1

Jesucristo urudꞌebemata bꞌeadꞌa trʉ̃ta naʉ̃ne bꞌʉ tabꞌʉa. Jesucristora rey Davidꞌeba uruta Abrahamneba urua.

Mateo 12:42

Daizezeba zhãrã kꞌawua obʉrʉdꞌera Sabá druadꞌe reina bꞌidꞌabadara beudꞌata piradrʉya zhãrã idꞌi ewade bꞌe bawara, maʉ̃bara marã aduabimarẽã jaraya, maʉ̃ẽnabema izhira drua wawaraidꞌuba zesia Salomón krĩchata ũrĩne. Maʉ̃ne mʉ nama bꞌʉra audre zhi zroma Salomón kꞌãñabara.

Mateo 28:18

Maʉ̃nerã Jesúsbara ãzhi orrape mawũãsia: Daizezebara zareata mʉãã diasia jõma mʉã erunʉmamarẽã ʉ̃tre nʉmʉta druadꞌe nʉmʉta.

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Marcos 14:61

Mawũãĩ Jesús chupea kꞌobꞌʉba panaʉ̃ ẽbasia. Mawũẽ sacerdote wagꞌaubara wakusa widꞌi mawũãsia: ¿Bʉra zhãrã Ẽdrʉbita Daizeze Warrakꞌa?

Marcos 5:7

Izhidꞌeba jaibara nemi jĩgua mawũãsia: ¿Bʉra mʉ ũme kꞌãrẽta sãwũã bꞌʉ Jesús Daizeze Ʉ̃trebema Warra? Daizeze daidꞌu mʉã bʉaa jaraya, mʉta zuburia orãrũã.

Lucas 1:15

Izhira Daizeze kĩrãbita zhi zromata bꞌaya. Dokꞌa baya ituata miã ne oregueata. Jawurebiaba bira bꞌaya zhi papa bꞌitaedꞌawedꞌa.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Lucas 1:76

Warra zake bʉra Ʉ̃trebemaba bedꞌeata jarabibaria adꞌaya. Bʉra dazhi Nokꞌo nawedꞌa nʉmaña bia ẽãrã ãmabʉdaba araa obʉdakꞌamarẽã izhi zei ota.

Lucas 3:16

Maʉ̃ne Juanbara jõmaʉ̃ã mawũãsia: Mʉãrã wãrãnebai marã baniãba buru kꞌoe bꞌʉa. Mawũãmina mʉ audre zhi zromata zeya, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Lucas 6:35

Maʉ̃ba kʉãgꞌaudua marã jura bꞌera, bia oudua, ne prestaudua, mawũãmina jẽrũya diamarẽã bꞌearãũdua. Mawũãrã Daizezebara marãã kꞌãrẽ waibꞌʉa dedꞌekaya, aramaʉ̃nerã Ʉ̃trebema warrarãta bꞌeaya. Izhara sozuburia bꞌʉa izhaa zhibia jidakꞌata, bia ẽãta bꞌeta.

Juan 12:34

Zhãrãbara mawũãsidꞌa: Daiba ũrĩbadara ũrãgꞌadꞌera jara bꞌʉa zhãrã Ẽdrʉbira beukꞌata. ¿Maʉ̃ta bʉara sãwũã Beubari Bape bꞌʉra cruzdꞌe jirabꞌʉdꞌaya abʉrʉ? ¿Mobera kꞌaipe maʉ̃ Beubari Bape bꞌʉra?

Juan 6:69

Maʉ̃ daibara ĩjã bꞌea, aramaʉ̃ne daiba kꞌawua bꞌedꞌera bʉra zhãrã Ẽdrʉbita Daizeze zokꞌai bꞌʉ Warra.

Hechos 16:17

Maʉ̃ wũẽrãta Pablo kꞌaidꞌu, dai kꞌaidꞌu taidꞌera baridua nemi jĩgua mawũã bꞌasia: Ũmakĩrãrã naʉ̃rã nezokꞌarãta Daizeze Ʉ̃trebemaneã, naʉ̃rãbara marãã jara panʉã ẽdrʉdꞌaidꞌebemata.

Hechos 2:30

Davira Daizezeba bedꞌeata jarabibarita bꞌadꞌaba kꞌawua bꞌasia Daizezera wãrĩnu bedꞌeadꞌata, jarasia izhidꞌeba uruta zhãrã Ẽdrʉbita piradrʉbiita, aramaʉ̃ne reyta bꞌʉita izhi kĩrãkꞌa.

Hechos 2:36

Maʉ̃neba Israel bꞌebara jõmaʉ̃ba wãrĩnuta kꞌawuaudua, maʉ̃ Jesús marãba cruzdꞌe kꞌachidꞌapeadꞌara Daizezebara Nokꞌota bꞌʉsia zhãrã Ẽdrʉbita.

Hechos 7:48

Mawũã osia Ʉ̃trebema zhãrãba odꞌa dedꞌa bꞌʉ ẽmina. Maʉ̃ẽnabemata izha bedꞌeata jarabibaridꞌeba mawũãsia:

Romanos 1:4

Izhira Daizeze Warrata zarea bara bꞌʉta Jawurebiaba kꞌawuabisia, mawũã kꞌawuabisia beudꞌata piradrʉdꞌadꞌeba.