Lucas 1:13 - Porciones del Nuevo Testamento

¹³ Mawũãmina ángelbara mawũãsia: Zacaría perarãrũã, bʉ zhiwidꞌi bꞌʉra Daizezebara ũrĩsia. Mawũẽ bʉ kĩma Elisawebara wũãwũã zhũmakĩrãta toya, maʉ̃ bʉara trʉ̃ga bꞌʉdua Juanta.

Lucas 1:13 Iomraidhean Croise

Mateo 1:21

Maríabara zhũmakĩrãta toya, maʉ̃ bʉara Jesústa trʉ̃gadua, trʉ̃ mawũã bꞌaya izhidꞌerãta ẽdrʉbigai baera ãzhi kꞌazhiruadꞌeba.

Mateo 14:27

Aramaʉ̃ta Jesúsbara mawũãsia: ¡Wãniguaudua, mʉta taia, perarãũdua!

Mateo 28:5

Maʉ̃ne ángelbara wũẽrãrãã mawũãsia: Marã perarãũdua, mʉãrã kꞌawua bꞌʉa marãbara jʉrʉ panʉta Jesús cruzdꞌe kꞌachidꞌapeadꞌata.

Marcos 16:6

Mawũẽ maʉ̃bara mawũãsia: Perarãũdua, marãbara jʉrʉ panʉã Jesús Nazaredꞌebema cruzdꞌe kꞌachidꞌapeadꞌata. Beudꞌata piradrʉsia, nama ne ẽã. Akaudua izhi tabꞌʉdꞌapeadꞌata.

Lucas 1:14

Bʉra bʉsridꞌaya, sobiaya, zhãrã bio sobiadꞌaya izhi tobʉrʉ kꞌarea.

Lucas 1:30

Mawũẽ ángelbara mawũãsia: María perarãrũã, bʉra Daizezeba bia edabʉrʉa.

Lucas 2:21

Todꞌata ewari ocho babʉrʉdꞌera warra zakera kꞌakua eta kꞌõsidꞌa, mobe Jesústa trʉ̃gasidꞌa ángelba jaradꞌa kĩrãkꞌa bꞌiogꞌoai nawedꞌa.

Hechos 10:31

Maʉ̃bara mawũãsia: Cornelio, bʉ zhiwidꞌi bꞌʉra zhi ũrĩma, zuburia bꞌeta bʉa ne bari dia bꞌʉra bude nʉmʉkꞌãrĩã Daizezebara.