Juan 9:22 - Porciones del Nuevo Testamento

²² Zhibarirãbara mawũãsidꞌa judíorãta wawia panʉba, maʉ̃ẽnabemata judíorã ya krĩcha abꞌarika zekuasia Jesús zhãrã Ẽdrʉbia abʉrʉra de zhi jʉrebada maẽ edꞌa wãbidꞌa ẽbaita.

Juan 9:22 Iomraidhean Croise

Lucas 6:22

Sobiaudua zhãrãba marã ũduama edabʉdadꞌera, ãzhi maẽba jʉretabʉdadꞌera, ikꞌazhirua jarabʉdadꞌera, marã bia ẽkĩrãkꞌa seribidꞌa ẽãnerã mʉ Beubari Bape bꞌʉ kꞌarea.

Juan 1:19

Jesúsdꞌebemata Juanba jarasidꞌera, nokꞌorã judíorãba Jerusalénneba sacerdoterãta levitarã bawara zokꞌasidꞌa widꞌi mawũãnamarẽã: ¿Bʉra kꞌaipe?

Juan 16:2

De zhi jʉrebadata nʉme maẽ marã edꞌa wãbidꞌa ẽbaya, ewarita zeya bariduba marã beabʉrʉdꞌera krĩchaita Daizezeba krĩñata obʉrʉta.

Juan 19:38

Maʉ̃ tẽã José Arimatea pʉwʉrʉdꞌebemata judíorã wawiaba Jesús chupea pẽwã bꞌʉta Pilatoa zuburia bedꞌeasia idu edebimarẽã Jesús kꞌakuata, mawũẽ Pilatobara idaribisia. Mawũẽ zepe edesia Jesús kꞌakuara.

Juan 20:19

Keubʉrʉdꞌe maʉ̃ abꞌaʉ ewadera semana ewartia nabemata domingodꞌera Jesúsba jʉrʉkuadꞌara zhi jʉre ãzhi duanu maẽ puerta serrape duanasia. Judíorã wawiaba mawũã duanune Jesús zepe ãzhi ẽsadra edau nʉmepe mawũãsia: ¡Kʉa, marã adu-a bꞌeaudua!

Juan 7:13

Mawũãmina izhi ʉ̃rʉ̃rã miõta dajada bedꞌeadꞌa ẽbasia judíorã wawiaba.

Juan 9:18

Judíorãbara ĩjãna ẽbasia izhira daʉbꞌerrea bꞌadꞌata ne ũdu bꞌidꞌara, mawũẽ zhibarirãta trʉ̃sidꞌa.

Juan 9:21

Mawũãmina sãwũã kꞌãwũã ne ũdu bꞌidꞌara daibara kꞌawuadꞌa ẽã, miã daʉbꞌerrea bꞌʉta kꞌaiba kꞌãwũã ne ũdubi bꞌidꞌapʉra daibara kꞌawuadꞌa ẽã. Ya zõrã baera izhaa widꞌiudua, ari izha nebʉrʉya.

Juan 9:34

Mawũãĩ panaʉ̃ mawũãsidꞌa: Bʉra jipadꞌe kꞌazhiruadꞌe tosia. ¿Maʉ̃ta bʉabʉrʉ ũrãgꞌaika daita? Mawũãnape jarasidꞌa de zhi jʉrebada maẽ wueta edꞌa wã ẽbamarẽã.

Juan 9:35

Jesúsbara ũrĩsia aramaʉ̃ne ãĩ kenabꞌaribʉdata, mawũẽ ũdui mawũãsia: ¿Bʉara ĩjã bꞌʉka Daizeze Warradꞌebema?

Hechos 4:18

Mobebʉrʉ trʉ̃nape jarasidꞌa jipadꞌe bedꞌeadꞌa ẽbamarẽã miã jaradiadꞌa ẽbamarẽã Jesúsdꞌebema.

Hechos 5:13

Awʉrʉra miõta ãba zedꞌakꞌa basia ãzhi bawarara. Mawũãmina zhãrãbara ãzhira kꞌãbãẽã bia jara bꞌeasia.

Hechos 5:40

Mawũãĩ krĩcha abꞌarika zekuasia izhi bawara. Mobebʉrʉ Jesúsba zokꞌakuadꞌara trʉ̃sidꞌa, mobe ubidꞌape jarasidꞌa jaradꞌa ẽbamarẽã Jesúsdꞌebema, mobebʉrʉ ẽna panʉsidꞌa.