Juan 8:34 - Porciones del Nuevo Testamento

³⁴ Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya: Kꞌazhiruata obꞌera kꞌazhirua nezokꞌata bꞌea.

Juan 8:34 Iomraidhean Croise

Mateo 5:18

Mʉã wãrĩnu marãã jaraya, bãjãta egorota neba ẽã nʉmʉnerã Daizezedꞌe ũrãgꞌara miã wĩkabidꞌa neba ẽã sãwũã berabꞌarii bꞌʉta jõma arimaẽ berabꞌariyeedꞌa.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Hechos 8:23

Daiba kꞌãrẽ opanʉneba bʉra bĩ ẽã bꞌʉa, mawũẽ bia ẽãba kꞌabꞌari bꞌʉta mʉãrã kꞌawua kꞌobꞌʉa.

Romanos 6:12

Kꞌazhiruaa idu kꞌabꞌaribirãũdua marã kꞌakua beubarita, aramaʉ̃ne orãũdua bia ẽãta obi krĩñabʉrʉra.

Romanos 6:16

¿Kꞌawuadꞌa ẽka marãta zhãrã edre nezokꞌata nʉmebʉrʉdꞌera maʉ̃ bedꞌeata aribꞌae nʉmebari ẽka, aramaʉ̃ kĩrãkꞌa nʉmʉ ẽka kꞌazhirua nezokꞌara aduaita beuita, waya Daizeze bedꞌeata aribꞌae bꞌʉra nʉmʉ ẽka bia nʉmaĩ kꞌarea?

Romanos 6:6

Maʉ̃ta kꞌawuaidꞌera dazhita na bꞌadꞌara izhi ũme cruzdꞌe kꞌachibʉrʉba kꞌakua kꞌazhiruadꞌebemata beasia. Mawũẽ dazhira wueta kꞌazhirua nezokꞌa ẽã.

Romanos 7:14

Dazhirãbara kꞌawua bꞌea Moisé ũrãgꞌara Jawurebiadꞌebemata. Mawũãmina mʉrã zharadꞌebemane bꞌʉba kꞌazhiruaa zhi nendoma.

Romanos 7:25

Mʉãrã Daizezea zhibia ji bꞌʉa izhabʉrʉ ẽdrʉbiya Jesucristo dazhirã Nokꞌodꞌeba. Mʉãrã krĩchabara aribꞌae krĩña Daizeze ũrãgꞌata, mawũãmina zharabara okrĩña kꞌazhiruata.

Romanos 8:21

Izha okuadꞌabara mawũã jʉ̃ã bꞌea bꞌerawakꞌata nʉmʉmarẽã zhi warrarãta bia nʉmʉĩ kĩrãkꞌa Daizezeba.