Juan 8:2 - Porciones del Nuevo Testamento

² Nrũẽma diapedꞌa wakusa Daizeze dedꞌa ewara maẽ zebʉrʉdꞌera zhãrã jõma zesidꞌa izhima. Mawũẽ jewedꞌape maʉ̃rãta ũrãgꞌasia.

Juan 8:2 Iomraidhean Croise

Mateo 26:55

Maʉ̃nerã zhãrã kꞌobꞌea Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? Mʉrã ewariza marã bawara jewedꞌa Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia.

Lucas 21:37

Jesús ewaridꞌera miã ũrãgꞌa bꞌasia Daizeze dedꞌa ewara maẽ. Diamasera wãpe chubꞌe bꞌasia kꞌatuma Olivo abada maẽ.

Lucas 21:38

Diapedꞌara zhãrã jõma izhima ze bꞌeasia izhi ũrãgꞌata ũrĩnaĩta Daizeze dedꞌa ewara maẽ.

Lucas 4:20

Mawũã lepe libro burape diasia zhi wuagꞌabaria, mobe jewedꞌasia. Maʉ̃nerã de zhi jʉrebada maẽrã izhira jõmaʉ̃ba akʉ duanasia.

Lucas 5:3

Mawũẽ maʉ̃ abꞌaʉdꞌe edꞌa bꞌaribʉrʉta Simón jãbadꞌe bꞌaripe jarasia doyauba wĩka nabuaedꞌa ededꞌamarẽã. Mobe jewedꞌape jãbadꞌeba ũrãgꞌasia kꞌabanata.

Juan 4:34

Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Juan 8:20

Jesúsbara maʉ̃ bedꞌeata jarasia ofrenda bꞌʉbada maẽ Daizeze dedꞌa ewara maẽ miã ũrãgꞌa nʉmʉba. Maʉ̃nerã miõba jidadꞌa ẽbasia wadꞌi araba ẽãba izhi ewarita.

Juan 8:3

Maʉ̃ne ũrãgꞌa Moisédꞌe jarabadaba fariseorã bawarauba wũẽrãta izhima wesidꞌa kĩma ẽãta erukꞌãĩ nʉmʉta burudꞌape, mobe miõ ẽsadra kꞌobꞌʉdꞌape,

Hechos 5:21

Maʉ̃ta ũrĩnape diapedꞌa edꞌa wãsidꞌa Daizeze dedꞌa ewara maẽ, mobe miã ũrãgꞌasidꞌa. Maʉ̃ne zesidꞌa sacerdote wagꞌauta izhi ũme bꞌe bawara, mobe trʉ̃sidꞌa nokꞌorã wagꞌaurãta, dewara jõma trʉ̃sidꞌa Israel nokꞌorãta. Mobe cárcel nʉmʉĩnu soldaorãta zokꞌasidꞌa Pedro Juan ũme wedꞌamarẽã.