Juan 8:12 - Porciones del Nuevo Testamento

¹² Wakusa Jesúsbara zhãrã kꞌobꞌea mawũãsia: Mʉrã ʉ̃nata bꞌʉa ẽjũãne bꞌerãĩta, mʉta pẽwã bꞌʉra pãrĩguadꞌe nimiba ẽã, awuarabʉrʉ ʉ̃nata erubꞌaya Daizeze ũme bꞌai jõ ẽãta.

Juan 8:12 Iomraidhean Croise

Mateo 5:14

Marãneba Daizezedꞌebemata ũdu bꞌeba marã ʉ̃nata bꞌea ẽjũãne bꞌerãĩta. Mawũẽ pʉwʉrʉ kꞌatumane ʉ̃rʉ̃ tabꞌʉta merũ bꞌe ẽkĩrãkꞌa bꞌea.

Lucas 2:32

Izhira ʉ̃nata bꞌʉba ẽdrʉdꞌaita kꞌawuabigaya judíorã ẽãta bꞌea, aramaʉ̃ne izhikꞌareuba bia trʉ̃poa nʉmaña Israel bʉreta bꞌera. (Isaías 42:6; 49:6)

Juan 12:35

Mawũãnaĩ Jesúsbara mawũãsia: Wadꞌi ewari kꞌakutua mʉta ʉ̃nata marãne edꞌa bꞌʉa. Mʉ ũme nimibaudua wadꞌi eruduanuwedꞌa mʉta ʉ̃nata, mawũãrã marãĩtara keubʉrʉ kĩrãkꞌa toto ẽbaya, pãrĩguadꞌe nimibara kꞌawua ẽã sãmaã wãrã.

Juan 12:36

Ʉ̃nata eruduanuwedꞌa ĩjãũdua ʉ̃nanebemata, aramaʉ̃ne bꞌeaita ʉ̃na warrarãta. Jesúsbara maʉ̃ta jarape wãpe merũsia zhãrã kꞌarea.

Juan 12:46

Mʉta ʉ̃nata zesia naʉ̃ ẽjũãẽna, mʉnebema ĩjãbʉdara pãrĩguadꞌe bꞌea ẽbamarẽã.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 3:19

Kꞌãrẽneba aduaita mʉã jaraya: Ʉ̃nata bꞌʉra zesia ẽjũãne bꞌema, mawũãmina zhãrãbara pãrĩguata audre kʉãgꞌasidꞌa ʉ̃na kꞌãñabara, bia ẽãta obꞌeba.

Juan 7:17

Daizezeba krĩñata okrĩña bꞌʉbara kꞌawuaya ũrãgꞌara Daizezedꞌeta, o kꞌawuaya mʉrã bedꞌea bꞌʉta mʉzhikusauba.

Juan 9:5

Mʉta naʉ̃ ẽjũãne bꞌʉwedꞌara mʉta ʉ̃nata bꞌʉa ẽjũãne bꞌerãĩta.

Hechos 13:47

Dai maʉ̃ kꞌaudꞌa panaĩrã Daizezebara mawũãsia: Mʉã bʉra ʉ̃nata bꞌidꞌapʉa mʉnebemata kꞌawuadꞌamarẽã judío ẽãta bꞌeba, bʉra aramaʉ̃ne ẽdrʉdꞌaidꞌebemata nʉmaña drua jõmaʉ̃ maẽ. (Isaías 42:6; 49:6)

Hechos 26:23

Jarasidꞌa zhãrã Ẽdrʉbira beui barata, beudꞌara naara izhita piradrʉita, aramaʉ̃ne Daizeze bedꞌeata ʉ̃nata jaraita judíorãta bꞌea, judíorã ẽãta bꞌea.