Juan 7:37 - Porciones del Nuevo Testamento

³⁷ Fiesta jõbʉrʉ ewarita zhi zroma ewade, Jesús edau nʉmepe nemi jĩgua mawũãsia: Iabꞌa obisia bꞌʉbʉrʉ mʉma zerua, aramaʉ̃ne baniã dorua.

Juan 7:37 Iomraidhean Croise

Mateo 11:28

Mʉma zeudua kꞌãrẽ kꞌaudꞌa bꞌeba mapoea bꞌera, mawũãrã mʉã ẽnaʉ̃bigaya.

Mateo 3:3

Juan mawũã bedꞌeaita jaradꞌata Daizezeba bedꞌeata jarabibariba Isaíaba mawũãsia: Iabꞌa nemi jĩgua bedꞌeabʉrʉta drua drudrua tabꞌʉ maẽ mawũãña: Bia ẽãrã ãmabʉdaba araa obʉdakꞌaudua Nokꞌo zei ota, jipa obʉdakꞌaudua izhi zei ota. (Isaías 40:3)

Mateo 5:6

Sobiaudua Daizezedꞌebema kꞌarea jarra bꞌera, aramaʉ̃ne izha krĩñata oya bꞌera maʉ̃ne nʉmabigaya.

Juan 1:23

Mawũãnaĩ Juanbara mawũãsia: Mʉrã iabꞌa nemi jĩgua bedꞌeaidꞌebemata drua drudrua tabꞌʉ maẽ mawũãĩnebema: Bia ẽãrã ãmabʉdaba jipa obʉdakꞌaudua Nokꞌo zei ota. (Isaías 40:3) Mawũãĩnebema Daizezeba bedꞌeata jarabibariba Isaíaba jaradꞌa kĩrãkꞌa.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 4:11

Mawũãĩ wũẽrãbara mawũãsia: Nokꞌó, bʉara kꞌãrẽba jueira ne ẽã, maʉ̃ne posora eidꞌua. ¿Mawũẽ bʉara sãmabemata erubꞌʉ baniã dazhi bꞌabi bꞌʉra?

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 5:40

Maʉ̃ne marã mʉma ze krĩñana ẽã aramaʉ̃ne erubꞌeaira Daizeze ũme bꞌai jõ ẽãta.

Juan 6:35

Mawũãnaĩ Jesúsbara mawũãsia: Mʉta panta Daizeze ũme bꞌai jõ ẽãnebema, mʉma zebʉrʉra maʉ̃nebemanerã jarrakꞌa baya, mʉnebemata ĩjãbʉrʉra aramaʉ̃ne obisiakꞌa baya.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 6:55

Mʉ zhara wãrĩnu zhikoa, mʉ wara wãrĩnu doyidꞌebema.

Juan 7:28

Mobebʉrʉ Jesúsbara Daizeze dedꞌa ewara maẽ miã ũrãgꞌa nʉmʉba nemi jĩgua mawũãsia: Marãbara mʉrã ũdukꞌawua bꞌeta kꞌawua bꞌea sãmabemata. Mawũãmina mʉrã mʉzhikusauba ze ẽbasia, awuarabʉrʉ mʉrã zokꞌasia Daizeze wãrĩnu bꞌʉba, izhidꞌebema marãbara kꞌawua duanu ẽã.