Juan 7:19 - Porciones del Nuevo Testamento

¹⁹ ¿Moisébara ũrãgꞌara marãã diasi ẽka? Maʉ̃ta marãbara miõba aribꞌaedꞌa ẽã. ¿Maʉ̃ba mʉrã bea krĩña duanu ẽka?

Juan 7:19 Iomraidhean Croise

Mateo 12:14

Mawũẽ fariseorã wãnape krĩcha jʉrʉsidꞌa Jesús beadꞌaita.

Mateo 21:38

Mawũãmina uvadꞌe trajabadabara zhi warrata ũdudꞌai ãzhirãĩnu mawũãsidꞌa: Ne zhi zezedꞌera naʉ̃ba jidaya, mawũẽ beadꞌaya, aramaʉ̃ne dazhirãba jidadꞌaya izha jidaita bꞌʉra.

Marcos 11:18

Maʉ̃ta ũrĩnaĩ ũrãgꞌa Moisédꞌe jarabadabara sacerdoterã nokꞌorãbara krĩcha jʉrʉsidꞌa sãwũã beadꞌaita. Ãzhara wawia bꞌeasia jõmaʉ̃ba bia ũrĩ bꞌeba izhi ũrãgꞌata.

Marcos 3:4

Mawũãpe mawũãsia: ¿Biara osia bꞌʉka ẽnaʉ̃bada ewadera, o bia ẽãta osia bꞌʉ? ¿Zhãrã kꞌarebasia bꞌʉka, o beubiita bia bꞌʉ? Mawũãbʉrʉdꞌera ãzhira chupea kꞌobꞌeasia.

Marcos 3:6

Mawũẽ fariseorã wãnape Herode pẽwã bꞌe bawara krĩcha jʉrʉsidꞌa Jesús beadꞌaita.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Juan 10:39

Mawũãbʉrʉ kꞌarea wakusa jida krĩñasidꞌa, mawũãmina Jesús ẽdrʉsia ãzhi juwuadꞌebara.

Juan 11:53

Aramaʉ̃ne maʉ̃ ewadeba krĩchasidꞌa Jesús beadꞌaita.

Juan 5:16

Maʉ̃ kꞌarea judíorã Jesús kꞌaidꞌu jirpanesia beadꞌaita, maʉ̃ta onʉmaẽrã ẽnaʉ̃bada ewade.

Juan 5:18

Mawũãbʉrʉ kꞌarea judíorãbara wuaabʉrʉ bea krĩñasidꞌa, ãzhima aramaʉ̃nerã bari ewari ẽnaʉ̃badadꞌebemata aribꞌae ẽã nʉma ẽbasia, awuarabʉrʉ Daizezesidꞌa zhi Zezeta jarasia, ãzhima aramaʉ̃nerã Daizeze ũme abꞌarikadꞌe nʉmasia.

Juan 5:45

Krĩcharãũdua kĩrãbita mʉã marã jikuaita mʉ Zezea, mawũãmina kꞌaiba marã jikuaira bꞌʉta Moiséa, maʉ̃ne marãbara izhita krĩcha bꞌea.

Juan 7:1

Maʉ̃ tẽã Jesús pʉrrʉasia Galilea druadꞌe, Judea druadꞌera pʉrrʉa krĩña ẽbasia judíorãba beaita jirpanʉba.

Juan 7:25

Jerusalénne bꞌebara ʉ̃kʉrʉba mawũã duanasia: ¿Naʉ̃ ẽka beadꞌaita jʉrʉ bꞌera?

Hechos 7:38

Maʉ̃ Moiséra Israel bꞌe bawara bꞌasia drua drudrua tabꞌʉ maẽ, maʉ̃nerã kꞌatuma Sinaí maẽ ángelba jarabʉrʉta jarasia dazhirã zhibarirã bꞌeadꞌaa, aramaʉ̃ne sãwũã bꞌeaidꞌebema bedꞌeata jidasia dazhirãã diaita.