Juan 6:68 - Porciones del Nuevo Testamento

⁶⁸ Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Juan 6:68 Iomraidhean Croise

Mateo 16:16

Mawũãĩ Simón Pedroba panaʉ̃ mawũãsia: Bʉra zhãrã Ẽdrʉbita Daizeze zokꞌai bꞌʉ Warra.

Marcos 8:29

Mawũãnaĩ izhara mawũãsia: ¿Kꞌõbe marãma mʉrã kꞌaipe? Mawũãĩ Pedroba panaʉ̃ mawũãsia: Bʉra zhãrã Ẽdrʉbia.

Lucas 9:20

Mawũãnaĩ izhara mawũãsia: ¿Kꞌõbe marãma mʉrã kꞌaipe? Mawũãĩ Pedroba panaʉ̃ mawũãsia: Bʉra zhãrã Ẽdrʉbita Daizezedꞌea.

Juan 12:49

Mʉrã bedꞌea nʉmʉ ẽã mʉzhikusauba, awuarabʉrʉ mʉ Zeze mʉ zokꞌadꞌaba jarasia kꞌãrẽ jarai bꞌʉra sãwũã jaraita.

Juan 12:50

Mʉãrã kꞌawua bꞌʉa izha mʉãã jarabi nʉmʉrã izhi ũme bꞌai jõ ẽãnebema. Mawũẽ mʉã jara nʉmʉrã jara nʉmʉã mʉ Zezeba mʉãã jaradꞌadꞌe.

Juan 17:8

Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.

Juan 5:24

Mʉã wãrĩnu marãã jaraya: Iabꞌaʉba mʉ bedꞌeata ũrĩ bꞌʉba mʉ zokꞌadꞌadꞌebemata ĩjã bꞌʉra erubꞌʉa Daizeze ũme bꞌai jõ ẽãta, mawũẽ Daizezebara pua kꞌawua o ẽbaya, awuarabʉrʉ aduaita bꞌadꞌata zhi berabꞌarima baya Daizeze ũme bꞌai jõ ẽãma.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Juan 6:63

Jawurebiabʉrʉ dia bꞌʉa Daizeze ũme bꞌai jõ ẽãta, zharabara dia ẽã. Bedꞌeata mʉã marãã jara bꞌʉra Jawurebiadꞌebemata Daizeze ũme bꞌai jõ ẽãnebema.

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.

Hechos 4:12

Awʉrʉdꞌebara ẽdrʉ ẽã, naʉ̃ ẽjũãnerã awʉrʉrã ne ẽã Daizezeba zhãrã bꞌea diadꞌara dazhirã maʉ̃neba ẽdrʉdꞌaira.

Hechos 5:20

Wãũdua, mobe Daizeze dedꞌa ewara maẽ ʉ̃ta barabꞌepe zhãrãã jaraudua naʉ̃ bedꞌeara jõma Daizeze ũme bꞌai jõ ẽãta.

Hechos 7:38

Maʉ̃ Moiséra Israel bꞌe bawara bꞌasia drua drudrua tabꞌʉ maẽ, maʉ̃nerã kꞌatuma Sinaí maẽ ángelba jarabʉrʉta jarasia dazhirã zhibarirã bꞌeadꞌaa, aramaʉ̃ne sãwũã bꞌeaidꞌebema bedꞌeata jidasia dazhirãã diaita.

Hechos 8:37

Mawũãĩ Felipebara mawũãsia: Soidꞌu ĩjãbʉrʉra buru kꞌoesia bꞌʉa. Mawũãĩ izhara panaʉ̃ mawũãsia: Mʉãrã ĩjãbʉrʉa Jesucristora Daizeze Warrata.