Juan 6:36 - Porciones del Nuevo Testamento

³⁶ Mawũãmina mʉã marãã jaradꞌa kĩrãkꞌa, marãbara mʉrã ũdu bꞌemina mʉnebema ĩjãna ẽã.

Juan 6:36 Iomraidhean Croise

Lucas 16:31

Mawũãĩ Abrahambara mawũãsia: Ũrãgꞌa Moisédꞌeta, ũrãgꞌa Daizezeba bedꞌeata jarabibarirãneta ũrĩna ẽbʉrʉ, ĩjãna ẽbaya iabꞌa beudꞌata piradrʉbʉrʉsidꞌa.

Juan 12:37

Jesúsbara ũdudꞌakꞌata ãzhi kĩrãbita okuasiidꞌu ĩjãna ẽbasia izhidꞌebema.

Juan 15:24

Mʉã ãzhidꞌe edꞌa awʉrʉba okꞌata osi ẽbʉrʉ kꞌazhirua ne ẽã bꞌeakꞌausia, mawũãmina akʉ bꞌeta juradea mʉta, mʉ Zezeta.

Juan 6:26

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãbara mʉrã jʉrʉ duanu ẽã sãwũãta kꞌawuasidꞌa baera mʉã odꞌata ũdudꞌakꞌata, awuarabʉrʉ mʉrã jʉrʉ duanuã panta jãwũã kꞌosidꞌa baera.

Juan 6:30

Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Juan 6:40

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Juan 6:64

Mawũãmina marã ʉ̃kʉrʉbara ĩjãna ẽã. Jesúsbara mawũã jarasia jẽde wedꞌauba kꞌawua bꞌasi baera kꞌairãba ĩjãna ẽãta, aramaʉ̃ne kꞌawua bꞌasia izhira kꞌaiba chãbꞌariita.