Juan 6:17 - Porciones del Nuevo Testamento

¹⁷ Mobe jãbadꞌe bꞌarikuape do jedꞌea õbꞌʉdꞌe kĩrãrã wãsidꞌa Capernaúm pʉwʉrʉedꞌa. Maʉ̃nerã ya paisosoa nʉmʉne Jesús wadꞌi ze ẽbasia ãzhima.

Juan 6:17 Iomraidhean Croise

Marcos 6:45

Mobebʉrʉ Jesúsbara izha jʉrʉkuadꞌara jãbadꞌe bꞌaribigape izhi naa wãbigasia Betsaida pʉwʉrʉedꞌa kĩrãrã, maʉ̃ẽna izhira wãta jara tebasia kꞌabanata kꞌobꞌea.

Juan 2:12

Maʉ̃ tẽã Capernaúm pʉwʉrʉedꞌa wãsidꞌa izhita, zhi papata, zhi mebẽrãta, izha jʉrʉkuadꞌata. Mobe mama bꞌeasia ewari kꞌakutua.

Juan 4:46

Jesús wakusa zesia Caná pʉwʉrʉedꞌa, maʉ̃ pʉwʉrʉra Galilea druadꞌebema, mama baniãta vino babidꞌa basia. Maʉ̃ne Capernaúm pʉwʉrʉdꞌe bꞌasia reyba nokꞌota bꞌʉkꞌãrĩta, maʉ̃ warrata kꞌaya nʉmasia.

Juan 6:18

Maʉ̃ne do jedꞌea õbꞌʉra bomatʉ bʉsadꞌewasia zarea pʉ̃ãdrʉ nʉmʉba.

Juan 6:59

Jesúsbara Capernaúm pʉwʉrʉdꞌe maʉ̃ta jarasia miã ũrãgꞌa nʉmʉba de zhi jʉrebada maẽ.