Juan 5:35 - Porciones del Nuevo Testamento

³⁵ Juanbara mʉnebema kꞌawuabiga nʉmʉba pãrĩguadꞌe ĩbĩrã ʉ̃nabari kĩrãkꞌa bꞌasia, aramaʉ̃ne marã ewari kꞌakutua sobiasidꞌa izhi ʉ̃nane.

Juan 5:35 Iomraidhean Croise

Mateo 11:11

Mʉã wãrĩnu marãã jaraya, wũẽrãba tobʉdara awʉrʉrã audre zhi zroma ẽã Juan Burukꞌoemiã kꞌãñabara. Mawũãmina Daizezeta Nokꞌodꞌebemata zhi zroma ẽãta bꞌʉra zhi zroma izhi kꞌãñabara.

Mateo 21:26

Dazhirãba zhãrãba zokꞌasia adꞌaisidꞌa, dazhirãbara zhãrãta wawia bꞌea jõmaʉ̃ma Juan Daizezeba bedꞌeata jarabibarita bꞌʉ baera.

Marcos 1:5

Izhima ze nʉmasia Judea druadꞌe bꞌeta, Jerusalénne bꞌeta. Jordán dodꞌe Juanʉã zhi buru kꞌoebisidꞌa ãzhi kꞌazhiruata jara.

Marcos 6:20

Herodebara Juan wawia bꞌasia izha kꞌawua bꞌʉba biata Daizezeita bꞌʉta, mawũẽ idaribi ẽbasia. Juan bedꞌeata ũrĩbʉrʉdꞌera sãwũãĩ kꞌawua ẽã bꞌasimina ũrĩ krĩña ũrĩ bꞌasia.

Lucas 7:28

Mʉã marãã jaraya, wũẽrãba tobʉdara Daizezeba bedꞌeata jarabibarira audre zhi zroma ne ẽã Juan Burukꞌoemiã kꞌãñabara. Mawũãmina Daizezeta Nokꞌodꞌebemata zhi zroma ẽãta bꞌʉra zhi zroma izhi kꞌãñabara.

Juan 6:66

Mamaʉ̃ba ʉ̃taara izhi pẽwã bꞌebara bioba izhira kenabꞌarisidꞌa, mawũẽ ya izhi bawara erjirana ẽbasia.