Juan 5:20 - Porciones del Nuevo Testamento

²⁰ Mʉ Zezebara zhi Warra mʉrã kʉãgꞌaba jõma ũdubi bꞌʉa izha obꞌʉra, mawũẽ kꞌãrẽ ãmaña audre waibꞌʉata bio ũdubiya, mawũẽ marãbara bia akʉdrua jirpaneña.

Juan 5:20 Iomraidhean Croise

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Mateo 4:8

Mobebʉrʉ ãtõmiãbara edesia kꞌatuma ʉ̃tʉ nʉmʉĩnu, mobe jõma ũdubisia ẽjũãne drua nʉmʉta ne kĩrãwãrẽã edꞌa nʉmʉta.

Lucas 10:22

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, awuarabʉrʉ kꞌawua bꞌʉa mʉ Zezebʉrʉ. Miõba kꞌawua ẽã mʉ Zezedꞌebema, awuarabʉrʉ kꞌawua bꞌʉa mʉ zhi Warrabʉrʉ. Mawũẽ mʉ zhi Warraba kꞌawuabi krĩñabʉrʉara kꞌawuabiya.

Juan 1:18

Daizezera miõba ũdukꞌa, mawũãmina zhi Warra abꞌa bꞌʉta zhi Zeze ũme bꞌʉba dazhirãã kꞌawuabisia sãwũã bꞌʉta.

Juan 10:32

Mawũẽ Jesúsbara mawũãsia: Mʉãrã mʉ Zezedꞌeba biata bio onʉmʉta marãã ũdubiga nʉmʉã. ¿Mawũẽ maʉ̃rãnebema sãʉ̃ kꞌarea mʉrã mongꞌaraba tabꞌaridꞌaipe?

Juan 14:12

Mʉã wãrĩnu marãã jaraya: Mʉnebemata ĩjã bꞌʉbara mʉã kꞌãrẽ onʉmʉta izhabidꞌa oya. Kꞌãrẽ audre oya mʉta wãĩ baera mʉ Zezema.

Juan 15:15

Mʉã ya marã mʉ nezokꞌarã a ẽã, nezokꞌabara kꞌawua ẽbaera izhi nokꞌoba kꞌãrẽ obꞌʉra. Awuarabʉrʉ mʉãrã mʉ bawara zhibiarã abꞌʉa, mʉ Zezedꞌeba kꞌãrẽ jõma mʉã ũrĩnarã mʉã marãã kꞌawuabiga bꞌʉba.

Juan 17:26

Mʉãrã bʉdꞌebema kꞌawuabigadꞌata ãmaña kꞌawuabigaya. Aramaʉ̃ne bʉa mʉta kʉãgꞌa kĩrãkꞌa ãzhirãĩnu zhiya kʉãgꞌa bꞌeamarẽã, aramaʉ̃ne mʉrã ãzhidꞌe bꞌaya.

Juan 3:35

Zhi Zezebara zhi Warra kʉãgꞌa, mawũẽ ne jõma chãbꞌarisia izhi juwuadꞌe.

Juan 5:21

Mʉ Zezebara beukuadꞌara piradrʉbipe zokꞌai bꞌʉbari kĩrãkꞌa, mʉ zhi Warrabidꞌa mawũã okrĩñabʉrʉrãta zokꞌai bꞌʉbaria.

Juan 5:25

Mʉã wãrĩnu marãã jaraya: Ewarita zeya, maʉ̃ ewarira ya arabasia, mawũẽ aduaita bꞌebara ũrĩnaña mʉ Daizeze Warra nemita, mʉ bedꞌeata ũrĩbʉdara Daizeze ũme bꞌai jõ ẽã bꞌeaya.

Juan 5:29

Mawũẽ biata odꞌapeadꞌara piradrʉdꞌaya Daizeze ũme bꞌai jõ ẽã bꞌaita, mawũãmina bia ẽãta odꞌapeadꞌara piradrʉdꞌaya aduaita.