Juan 5:19 - Porciones del Nuevo Testamento

¹⁹ Maʉ̃ kꞌarea Jesúsbara mawũãsia: Mʉã wãrĩnu marãã jaraya: Mʉ zhi Warrabara mʉzhikusaubara miã kꞌãrẽta obꞌe ẽã, awuarabʉrʉ mʉ Zezeba obʉrʉta ũdubʉrʉta obꞌʉa, aramaʉ̃ne jõma mʉ Zezeba obꞌʉra mʉ zhi Warrabidꞌa obꞌʉa.

Juan 5:19 Iomraidhean Croise

Mateo 26:39

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Lucas 21:15

Mʉãbʉrʉ marãã diaya bedꞌeata, krĩchata, maʉ̃nebema ãña panaʉ̃na ẽbaya miã mawũã ẽãta jaradꞌa ẽbaya marã jura kꞌobꞌebara.

Juan 10:18

Mʉrã miõba beadꞌa ẽã, awuarabʉrʉ mʉrã mʉzhi biaba beuya. Mʉãrã erubꞌʉa beui zareara, mʉãrã erubꞌʉa wakusa piradrʉi zareara. Maʉ̃ta omarẽã jarasia mʉ Zezeba.

Juan 12:49

Mʉrã bedꞌea nʉmʉ ẽã mʉzhikusauba, awuarabʉrʉ mʉ Zeze mʉ zokꞌadꞌaba jarasia kꞌãrẽ jarai bꞌʉra sãwũã jaraita.

Juan 12:50

Mʉãrã kꞌawua bꞌʉa izha mʉãã jarabi nʉmʉrã izhi ũme bꞌai jõ ẽãnebema. Mawũẽ mʉã jara nʉmʉrã jara nʉmʉã mʉ Zezeba mʉãã jaradꞌadꞌe.

Juan 14:10

¿Bʉara ĩjã ẽka mʉrã mʉ Zezedꞌe bꞌʉta, mʉ Zezera mʉne bꞌʉta? Mʉã bedꞌeata marãã jara nʉmʉrã mʉzhikusauba jara nʉmʉ ẽã, awuarabʉrʉ mʉ Zeze mʉne bꞌʉba mʉneba kꞌãrẽ onʉmʉã.

Juan 2:19

Mawũãnaĩ Jesúsbara panaʉ̃ mawũãsia: Naʉ̃ Daizeze dera ãrĩũdua, mʉã ewari ũbeadꞌe wakusa pãrãña.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 5:21

Mʉ Zezebara beukuadꞌara piradrʉbipe zokꞌai bꞌʉbari kĩrãkꞌa, mʉ zhi Warrabidꞌa mawũã okrĩñabʉrʉrãta zokꞌai bꞌʉbaria.

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Juan 8:28

Mawũẽ Jesúsbara mawũãsia: Mʉ Beubari Bape bꞌʉta marãba cruzdꞌe jirabꞌʉdꞌai marãbara kꞌawuadꞌaya Mʉrã Mʉta, aramaʉ̃ne kꞌawuadꞌaya mʉã miã kꞌãrẽta o ẽãta mʉzhikusaubara, awuarabʉrʉ mʉrã mʉ Zezeba jaradiadꞌadꞌe bedꞌea bꞌʉa.

Juan 9:4

Mʉ zokꞌadꞌaba obi nʉmʉrã mʉãrã oibara wadꞌi ãsapedꞌa nʉmʉ kĩrãkꞌa nʉmʉwedꞌa. Ewarita zeya diamase dogꞌo kĩrãkꞌa miõba Daizezedꞌebema obꞌe ẽãta.

Hechos 2:24

Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.

Romanos 6:4

Buru kꞌoedꞌadꞌeba dazhira izhi ũme jou kꞌobꞌadꞌe wãsia, mawũẽ Cristo beudꞌata zhi Zezeba izhi zareaba piradrʉbidꞌa kĩrãkꞌa dazhisidꞌa piradrʉbisia zokꞌai nimibamarẽã zhiwidꞌidꞌe.

Romanos 8:11

Jawurebiata Jesús beudꞌata piradrʉbidꞌadꞌeta marãne edꞌa bꞌʉbʉrʉ, Jesucristo beudꞌata piradrʉbidꞌabara marã kꞌakua beuita bꞌʉra izhabꞌa piradrʉbiya izhi Jawurebiata bꞌʉdꞌeba marãne edꞌa.