Juan 21:20 - Porciones del Nuevo Testamento

²⁰ Pedroba jẽrũya akʉbʉrʉdꞌera ũdusia kꞌaidꞌu taita Jesúsba jʉrʉdꞌa Jesúsba kʉãgꞌata, nekꞌo duanune maʉ̃ abꞌaʉta Jesús kꞌaita kꞌobꞌadꞌa basia, mawũã kꞌobꞌasidꞌera mawũãsia: Nokꞌó, ¿bʉra kꞌaiba chãbꞌariipe?

Juan 21:20 Iomraidhean Croise

Mateo 26:46

Pirabꞌariudua, wãdrʉ. Arakꞌaita ba mʉ chãbꞌariira.

Juan 20:2

Mawũẽ wãẽba wãsia Simón Pedroma, dewarabema Jesúsba jʉrʉdꞌata Jesúsba kʉãgꞌama, mobe mawũãsia: Izhi wuagꞌadꞌapeadꞌa maẽbara edesidꞌa Nokꞌora, kꞌawuadꞌa ẽã sãma tabꞌʉsidꞌara.

Juan 21:21

Pedroba maʉ̃ta ũdui Jesúa mawũãsia: Nokꞌó, ¿naʉ̃ sãwũã berabꞌariipe?

Juan 21:24

Maʉ̃ Jesúsba jʉrʉdꞌaba naʉ̃ bedꞌeata jarakꞌa bꞌʉbʉrʉa. Kꞌawua panʉã izha jara bꞌʉra wãrĩnuta.

Juan 21:7

Maʉ̃ne izha jʉrʉdꞌata Jesúsba kʉãgꞌaba Pedroa mawũãsia: ¡Kꞌãʉ̃ Nokꞌoa! Simón Pedroba mawũã Nokꞌota ũrĩbʉrʉdꞌera, wua ãnebꞌari jʉ̃ bꞌʉta wẽãnata jʉ̃pe doidꞌu tẽũsia.