Juan 20:19 - Porciones del Nuevo Testamento

¹⁹ Keubʉrʉdꞌe maʉ̃ abꞌaʉ ewadera semana ewartia nabemata domingodꞌera Jesúsba jʉrʉkuadꞌara zhi jʉre ãzhi duanu maẽ puerta serrape duanasia. Judíorã wawiaba mawũã duanune Jesús zepe ãzhi ẽsadra edau nʉmepe mawũãsia: ¡Kʉa, marã adu-a bꞌeaudua!

Juan 20:19 Iomraidhean Croise

Mateo 10:13

Mama dedꞌa bꞌeta mawũã bꞌeaidꞌe bꞌebʉrʉ, marãba adu-a bꞌaidꞌebema jarabʉdara ãzhima wãña. Mawũãmina mawũã bꞌeaidꞌe duanu ẽbʉrʉ, maʉ̃ adu-a bꞌaidꞌebema mazhima zeya.

Mateo 18:20

Mawũã aribꞌaeya mʉ pẽwã panʉta ũme o ũbea ãba kꞌopanʉ maẽrã mʉrã mama ãzhidꞌe edꞌa bꞌʉ baera.

Marcos 16:14

Nʉmape izha jʉrʉkuadꞌata oncea Jesús zhi ũdubisia ãzhi jewedꞌa nekꞌo kꞌobꞌedꞌe. Mobe ĩjã ẽbaita sota zarea bꞌedꞌeba kẽãkuasia ĩjãna ẽãba zhi ũdudꞌapeadꞌaba jarabʉdata beudꞌata piradrʉdꞌata.

Juan 14:27

Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Juan 16:22

Aramaʉ̃ kĩrãkꞌa marãsidꞌa kꞌãwũãwedꞌara sopua bꞌea. Mawũãmina mʉã marã wakusa ũdubʉrʉba sobiadꞌaya, mobebaira miõba jãrĩ ẽã marã sobiara.

Juan 16:33

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Juan 20:21

Mawũẽ Jesúsbara wakusa mawũãsia: ¡Kʉa, marã adu-a bꞌeaudua! Mʉ Zezeba mʉta zokꞌadꞌa kĩrãkꞌa mʉãbidꞌa marãta zokꞌaya.

Juan 20:26

Ewari ocho babʉrʉdꞌe Jesúsba jʉrʉkuadꞌara wakusa edꞌa zhi jʉre bꞌedꞌera Tomás ãzhi bawara bꞌasia. Maʉ̃ne puerta serra nʉmʉne Jesús zepe ẽsadra edau nʉmepe mawũãsia: ¡Kʉa, marã adu-a bꞌeaudua!

Juan 21:1

Maʉ̃ tẽã izha jʉrʉkuadꞌaa Jesús wakusa zhi ũdubisia do jedꞌea õbꞌʉta Tiberia abada doya. Maʉ̃nerã kꞌãwũã berabꞌarisia:

Juan 21:14

Maʉ̃ta zhi ũbea basia izha jʉrʉkuadꞌaa Jesús zhi ũdubi nʉmʉta beudꞌata piradrʉpe.

Juan 7:13

Mawũãmina izhi ʉ̃rʉ̃rã miõta dajada bedꞌeadꞌa ẽbasia judíorã wawiaba.

Hechos 1:3

Beudꞌa tẽã maʉ̃rããbʉrʉ zokꞌai zhi ũdubima bio basia kꞌawuadꞌamarẽã wãrĩnu zokꞌai bꞌʉta. Zhi ũdubigasia ewari cuarenta, maʉ̃nerã jarakꞌa bꞌasia Daizezeta Nokꞌodꞌebemata.

Romanos 15:33

Daizeze dazhi adu-a bꞌabi bꞌʉra nʉmaña marã jõmaʉ̃ bawara. Amén.