Juan 2:18 - Porciones del Nuevo Testamento

¹⁸ Maʉ̃nerã judíorãba mawũãsidꞌa: ¿Sãwũãta daia kꞌawuabirua Daizezeba kꞌãwũã obi nʉmʉbʉrʉ?

Juan 2:18 Iomraidhean Croise

Mateo 21:23

Daizeze dedꞌa ewara maẽ Jesús zebʉrʉdꞌera, sacerdoterã nokꞌorãbara, pʉwʉrʉ nokꞌorãbara izhira orrasidꞌa miã ũrãgꞌa nʉmʉne, mobe mawũãsidꞌa: ¿Kꞌaiba obi bꞌʉ bʉa obꞌʉra? ¿Kꞌaiba diasi kꞌãwũã zarea nʉmaĩrã?

Marcos 8:11

Fariseorãta zekuape Jesús bawara bedꞌeabʉdata jarasidꞌa Daizezedꞌeba nʉmʉbʉrʉ ũdubimarẽã ũdudꞌakꞌata, mawũãsidꞌa wãẽãbidꞌaita.

Lucas 11:29

Kꞌabana bʉredrʉ bʉsidꞌe Jesúsbara mawũãsia: Zhãrã idꞌi ewadebema bia ẽãta bꞌea. Mʉta Daizezedꞌeba nʉmʉbʉrʉ ũdudꞌakꞌata ũdubimarẽã jara bꞌea. Mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Jonás berabꞌaridꞌa kĩrãkꞌabʉrʉ.

Juan 1:19

Jesúsdꞌebemata Juanba jarasidꞌera, nokꞌorã judíorãba Jerusalénneba sacerdoterãta levitarã bawara zokꞌasidꞌa widꞌi mawũãnamarẽã: ¿Bʉra kꞌaipe?

Juan 1:25

Maʉ̃rãbara widꞌi mawũãsidꞌa: ¿Bʉara kꞌai bedꞌeadꞌeba zhãrã buru kꞌoe bꞌʉ, zhãrã Ẽdrʉbiita bʉ ẽbʉrʉ, miã Elía ẽbʉrʉ, miã Daizezeba bedꞌeata jarabibari ẽbʉrʉ?

Juan 6:30

Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?

Hechos 4:7

Maʉ̃nerã Pedro Juan ũme ẽsadra kꞌopanebidꞌape widꞌi mawũãsidꞌa: ¿Kꞌai zareadꞌeba o kꞌaidꞌeba kꞌãwũã obʉda marãbara?

Hechos 5:28

mawũãsia: ¿Daibara marãã jipa jarasidꞌa ẽka jaradꞌa ẽbamarẽã Jesúsdꞌebema? Maʉ̃ta marãbara Jerusalénne jõmaʉ̃ã jarabʉda mazhi ũrãgꞌara, aramaʉ̃ne dai ʉ̃rʉ̃ bꞌaebi krĩña panʉã Jesús bebuta.