Juan 19:30 - Porciones del Nuevo Testamento

³⁰ Jesúsbara maʉ̃ oregueara dope mawũãsia: Mʉã oita bꞌadꞌara jõma aribꞌaea. Mawũãpe buru jabꞌari izhi jawure Daizezea chãbꞌari beusia.

Juan 19:30 Iomraidhean Croise

Mateo 20:28

Aramaʉ̃ kĩrãkꞌa mʉ Beubari Bape bꞌʉra ze ẽbasia zhãrãba aribꞌaedꞌamarẽã, awuarabʉrʉ zesia zhãrã aribꞌaeita, aramaʉ̃ne mʉ bebura diaya jõmaʉ̃bari.

Mateo 27:50

Maʉ̃ne Jesús wakusa kꞌãbãẽã bꞌiape beusia.

Mateo 3:15

Mawũãĩ Jesúsbara panaʉ̃ mawũãsia: Mʉrã buru kꞌoedua, dazhara aramaʉ̃ne Daizezeba krĩñata aribꞌaedꞌaya. Mawũãĩ buru kꞌoesia.

Marcos 15:37

Maʉ̃ne Jesús kꞌãbãẽã bꞌiape beusia.

Lucas 22:37

Mʉã marãã jaraya, mʉnebemata wadꞌi arimaẽ berabꞌarii bara zhi bꞌʉmata mawũã bꞌʉta: Abꞌarika edasidꞌa bia ẽã omiãrã bawara. Aramaʉ̃ne mʉnebemata bꞌʉ tabꞌʉra arimaẽ berabꞌariya.

Lucas 23:46

Maʉ̃nerã Jesúsbara nemi jĩgua mawũãsia: Zeze, mʉãrã bʉ juwuadꞌe chãbꞌariya mʉ jawurera. Mawũãpe beusia.

Juan 10:11

Mʉrã bigaua ovejarã akʉira. Ovejarã akʉita bigaura beubaria ovejarã kꞌarea.

Juan 10:18

Mʉrã miõba beadꞌa ẽã, awuarabʉrʉ mʉrã mʉzhi biaba beuya. Mʉãrã erubꞌʉa beui zareara, mʉãrã erubꞌʉa wakusa piradrʉi zareara. Maʉ̃ta omarẽã jarasia mʉ Zezeba.

Juan 17:4

Mʉãrã bʉra zhi zromata kꞌawuabiga nʉmʉã naʉ̃ druadꞌe, aramaʉ̃ne mʉãrã jõbibʉrʉa kꞌãrẽ omarẽã bʉa mʉãã diadꞌata.

Juan 19:28

Mawũãpe Jesúsbara izha oita bꞌadꞌara jõma aribꞌaeta kꞌawuape maʉ̃ zhi bꞌʉmata arimaẽ berabꞌarimarẽã mawũãsia: Mʉrã obisia kꞌobꞌʉa.

Juan 4:34

Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Romanos 10:4

Moisé ũrãgꞌara ma aribꞌaesia Cristoba, maʉ̃neba Daizezebara bedꞌea ne ẽã bꞌʉya izhidꞌebemata ĩjãbʉdara.

Romanos 3:25

Daizezeba dazhi bedꞌea ne ẽã bꞌʉira Jesucristota bꞌʉdꞌata dazhibari wa erezoadꞌata ĩjãbʉrʉdꞌeba nʉmʉã, aramaʉ̃ne izhara sãwũã bedꞌea ne ẽã bꞌʉita kꞌawuabi bꞌʉba zrogꞌa bedꞌea ne ẽã okua bꞌʉa kꞌazhiruata odꞌapeadꞌara nawedꞌa.