Juan 18:35 - Porciones del Nuevo Testamento

³⁵ Mawũãĩ Pilatobara panaʉ̃ mawũãsia: ¿Mobera mʉrã judíokꞌa? Bʉzhirãta bꞌeba, sacerdoterã nokꞌorãba bʉra mʉãã chãbꞌarisidꞌa. ¿Bʉara kꞌãrẽta osi?

Juan 18:35 Iomraidhean Croise

Juan 18:28

Caifás de maẽbara Jesús edesidꞌa nokꞌo dedꞌa soldaorã tabꞌʉidꞌu. Maʉ̃nerã diapedꞌa nʉmasia. Judíorã Jesús ededꞌapeadꞌara maʉ̃ dedꞌara edꞌa wãna ẽbasia. Ãzhima aramaʉ̃nerã Daizeze kĩrãbita mitia ẽãba kꞌo bꞌeidꞌe bꞌasia Egiptodꞌeba ẽzoadꞌata krĩcha kꞌobadara.

Juan 18:34

Mawũãĩ Jesúsbara panaʉ̃ mawũãsia: ¿Bʉzhikusauba mawũãbʉrʉka o mʉnebema awʉrʉba bʉaa mawũãsidꞌa?

Juan 18:36

Mawũãĩ Jesúsbara panaʉ̃ mawũãsia: Mʉrã naʉ̃ ẽjũãne Reyta bꞌaidꞌebema ẽã. Mʉta naʉ̃ ẽjũãne Reyta bꞌaidꞌebemabʉrʉ mʉta aribꞌae bꞌera zhõkꞌausidꞌa mʉta chãbꞌaridꞌa ẽbamarẽã judíorãã. Mawũãmina mʉrã nama Reyta bꞌaidꞌebema ẽã.

Juan 19:11

Mawũãĩ Jesúsbara panaʉ̃ mawũãsia: Bʉa mʉrã kꞌãrẽ sãwũã ẽbakꞌausia ʉ̃treba kꞌãwũã idaribi ẽbasibʉrʉ. Mawũẽ mʉta bʉ juwuadꞌe chãbꞌaridꞌatrʉ bʉ audre kꞌazhirua barasia.

Juan 19:6

Jesús ũdubʉdadꞌera sacerdoterã nokꞌorãbara, Daizeze de akʉbadabara nemi jĩgua mawũãsidꞌa: ¡Cruzdꞌe kꞌachibirua! ¡Cruzdꞌe kꞌachibirua! Mawũãnaĩ Pilatobara mawũãsia: Mazhabʉrʉ cruzdꞌe kꞌachiudua. Mʉma naʉ̃ bedꞌea ne ẽã.

Hechos 21:38

¿Kꞌõbera bʉ ẽka jari Egiptodꞌebema naara naʉ̃ ewade zhãrã bawara zhõ piradrʉpe, drua drudrua tabꞌʉedꞌa cuatro mil jʉre ededꞌara miã beamiãrãta?

Hechos 23:29

Mawũẽ mʉãrã kꞌawuasia ãzhi ũrãgꞌadꞌebema kꞌarea jirpanʉta. Mawũãmina miã kꞌãrẽ bedꞌeata erubꞌa ẽbasia beadꞌaira o cárceldꞌe bꞌaira.

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.