Juan 18:1 - Porciones del Nuevo Testamento

¹ Jesús mawũã zhiwidꞌipe izha jʉrʉkuadꞌa bawara wãsia do zake Cedrón kĩrãrẽ. Mama ne uta bꞌʉ maẽ edꞌa wãsia izha jʉrʉkuadꞌa bawara.

Juan 18:1 Iomraidhean Croise

Mateo 26:30

Trʉ̃ãbi Salmota trʉ̃ãnape wãsidꞌa Olivo kꞌatumaĩnu.

Mateo 26:36

Getsemaní abadaidꞌu Jesús ãzhi bawara zepe izha jʉrʉkuadꞌaa mawũãsia: Nama jewedꞌaudua, mʉta jarima wãbʉrʉedꞌa zhiwidꞌidꞌe.

Marcos 14:26

Trʉ̃ãbi Salmota trʉ̃ãnape wãsidꞌa Olivo kꞌatumaĩnu.

Marcos 14:32

Getsemaní abadaidꞌu zekuape Jesúsbara izha jʉrʉkuadꞌaa mawũãsia: Nama jewedꞌaudua, mʉta zhiwidꞌi kꞌobꞌʉedꞌa.

Marcos 14:42

Pirabꞌariudua, wãdrʉ. Kꞌaita ba mʉ chãbꞌariira.

Juan 14:31

Mawũãmina mʉãrã mʉ Zezera kʉãgꞌata ẽjũãne bꞌeba kꞌawuadꞌamarẽã, mʉãrã mʉ Zezeba jaradꞌa kĩrãkꞌa onʉmʉã. Pirabꞌariudua, wãdrʉ namaʉ̃bara.

Juan 18:26

Maʉ̃ne sacerdote wagꞌau nezokꞌata abꞌa Pedroba kʉwʉrʉ ʉrawedꞌa mebẽrãba Pedroa mawũãsia: ¿Mʉã bʉra Jesú ũme ũdusi ẽka ne uta bꞌʉ maẽ?

Hechos 21:11

Maʉ̃bara dai akʉdꞌe zebʉrʉta jidasia correa Pablodꞌeta, mobe izhi jẽrũta izhi juwuata tãjʉ̃pe mawũãsia: Naʉ̃ẽnabemata Jawurebiaba jara kꞌobꞌʉta: Jerusalénne judíorãba kꞌãwũã tãjʉ̃naña naʉ̃ correa zhibarita, mobe chãbꞌaridꞌaya judíorã ẽãta bꞌe juwuadꞌe.