Juan 16:13 - Porciones del Nuevo Testamento

¹³ Mawũãmina Jawurebia wãrãnebemata zebʉrʉdꞌera, marã erunʉmaña Daizezedꞌebema wãrãne. Izhara jara ẽbaya izhikusaudꞌebemata, awuarabʉrʉ jõma jaraya mʉneba ũrĩbʉrʉta, aramaʉ̃ne jõma marãã kꞌawuabiya kꞌãrẽ berabꞌariita.

Juan 16:13 Iomraidhean Croise

Juan 12:49

Mʉrã bedꞌea nʉmʉ ẽã mʉzhikusauba, awuarabʉrʉ mʉ Zeze mʉ zokꞌadꞌaba jarasia kꞌãrẽ jarai bꞌʉra sãwũã jaraita.

Juan 14:17

Jawurebiara wãrãnebemata bꞌʉa, mʉnebema ẽãta ẽjũãne bꞌebara izhira jidadꞌaidꞌe bꞌʉ ẽã ũdudꞌa ẽbaera, miã ũdukꞌawadꞌa ẽbaera. Mawũãmina marãbara ũdukꞌawua bꞌea marã bawara bꞌʉ baera, aramaʉ̃ne marãne bꞌaya.

Juan 14:26

Mawũãmina marã Kꞌarebata Jawurebiata mʉ Zezeba mʉbari zokꞌaibara maʉ̃bara marãã ne jõma jaradedꞌekaya, bude babigaya jõma mʉã marãã jaradꞌata.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 15:26

Mawũãmina Kꞌarebata zebʉrʉdꞌera, mʉã maʉ̃ marãma mʉ Zezedꞌeba zokꞌabʉrʉra Jawurebia wãrãnebema, izhira zeya mʉ Zeze maẽba, izha jaraya mʉnebemata.

Juan 16:12

Mʉãrã wadꞌi ne bio erubꞌʉa marãã jaraita, mawũãmina aritiara marãbara sãwũãta kꞌawuadꞌa ẽbaya.

Juan 3:32

Mawũẽ ʉ̃tre izha ũdudꞌata izha ũrĩnata jara bꞌʉa, mawũãmina miõba ĩjãna ẽã izha jara bꞌʉra.

Juan 8:38

Mʉãrã jara bꞌʉa mʉ Zezeba ũdubidꞌata, waya marãbara obꞌea mazhi zezeba ũrĩbidꞌata.

Hechos 11:28

Mobe ãzhidꞌebema abꞌa Agabo abadata piradrʉpe Jawurebiadꞌeba jarasia jarraba zromata zeita drua jõmaʉ̃ne bꞌe maẽ. Mawũã zesia Claudio reyta bꞌadꞌa ewade.

Hechos 20:23

Mʉã kꞌawua bꞌʉra Jawurebiaba pʉwʉrʉ jõmaʉ̃ne mʉãã jara bꞌʉa mʉrã cárceldꞌe bꞌaita, zuburia bꞌaita.

Hechos 27:24

Ángelbara mʉãã mawũãsia: Pablo perarãrũã, bʉra jũẽĩbara rey César kĩrãbita. Maʉ̃sidꞌa mawũãne bʉkꞌareuba Daizezebara jõma bꞌeabiya barcodꞌe bʉ bawara didꞌira.