Juan 14:6 - Porciones del Nuevo Testamento

⁶ Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 14:6 Iomraidhean Croise

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 1:17

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.

Juan 1:4

Izhira dazhi bꞌʉ kꞌarra, mawũã dazhi bꞌʉ kꞌarrata Daizezedꞌebema kꞌawuabiga bꞌʉba zhãrãĩta ʉ̃nata bꞌʉa.

Juan 10:28

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Juan 10:7

Mawũẽ Jesúsbara wakusa mawũãsia: Mʉã wãrĩnu marãã jaraya: Mʉta puerta ovejarãneã.

Juan 10:9

Mʉta puerta. Mʉneba edꞌa wãbʉrʉra ẽdrʉya. Aramaʉ̃ne adu-a bꞌaya mʉã bia erunʉmʉba.

Juan 14:19

Mʉnebema ẽãta ẽjũãne bꞌebara dããrã ẽãne mʉrã wueta ũdudꞌa ẽã. Mawũãmina marãbara mʉrã ũdudꞌaya. Mʉta bꞌʉba marãsidꞌa bꞌeaya.

Juan 15:1

Mʉrã wãrĩnu uva kꞌarra, waya mʉ Zezera zhi akʉbaria.

Juan 18:37

Mawũãĩ Pilatobara mawũãsia: ¿Mobera bʉra Reyka? Mawũãĩ Jesúsbara panaʉ̃ mawũãsia: Ara bʉzha jarabʉrʉa mʉrã Reyta. Mʉrã maʉ̃ kꞌarea tobʉdata naʉ̃ ẽjũãẽna zesia wãrãta jaraita. Wãrãnebemata bꞌebara ũrĩ bꞌea mʉ bedꞌeara.

Juan 5:21

Mʉ Zezebara beukuadꞌara piradrʉbipe zokꞌai bꞌʉbari kĩrãkꞌa, mʉ zhi Warrabidꞌa mawũã okrĩñabʉrʉrãta zokꞌai bꞌʉbaria.

Juan 6:33

Pan Daizezedꞌea mʉta ʉ̃treba zedꞌata, mʉãrã Daizeze ũme bꞌai jõ ẽãta dia bꞌʉa ẽjũãne zhãrã bꞌea.

Juan 6:51

Mʉrã panta Daizeze ũme bꞌai jõ ẽãta ʉ̃treba zesia, iabꞌaʉba pan mʉta kꞌobʉrʉra Daizeze ũme bꞌai jõ ẽã bꞌaya. Pan mʉã diabʉrʉra mʉ zharata diaya. Maʉ̃ mʉãrã Daizeze ũme bꞌai jõ ẽãta diaya ẽjũãne zhãrã bꞌea.

Juan 6:57

Mʉ Zeze mʉ zokꞌadꞌata bꞌʉ kĩrãkꞌa, mʉrã bꞌʉa mʉ Zezedꞌeba, aramaʉ̃ kĩrãkꞌa mʉta kꞌo bꞌʉra bꞌaya mʉneba.

Juan 6:68

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Juan 8:32

Mawũãrã kꞌawuadꞌaya Daizezedꞌebema wãrãta, wãrãbara ẽdrʉbigaya.

Juan 8:51

Mʉã wãrĩnu marãã jaraya: Mʉ bedꞌeata aribꞌae bꞌʉra beukꞌa baya.

Hechos 3:15

Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa.

Hechos 4:12

Awʉrʉdꞌebara ẽdrʉ ẽã, naʉ̃ ẽjũãnerã awʉrʉrã ne ẽã Daizezeba zhãrã bꞌea diadꞌara dazhirã maʉ̃neba ẽdrʉdꞌaira.

Hechos 9:2

Mobe kꞌarta widꞌisia de zhi jʉrebadata Damasco pʉwʉrʉdꞌe nʉmeza wãĩta, aramaʉ̃ne zhũmakĩrãrãta, wũẽrãrãta, Jesús pẽwã bꞌeta ũdura jidakua weita Jerusalénʉẽna.

Romanos 15:16

Jesucristo nezokꞌata bꞌamarẽã judíorã ẽãta bꞌerãĩta. Mawũẽ mʉãrã bedꞌea biata Daizezedꞌeta jarakꞌa bꞌʉa, sacerdoteba nendʉwʉrʉ Daizezeba krĩñata webari kĩrãkꞌa judíorã ẽãrã aramaʉ̃ne izhima we bꞌʉa izhiita bꞌeamarẽã Jawurebiadꞌeba.

Romanos 5:2

Jesucristodꞌebemata ĩjã bꞌedꞌebemanerã dazhirã Daizezebara izhi biaba nʉmʉkꞌãrĩã, dazhirã maʉ̃ne jipa nʉmeã. Aramaʉ̃ne sobia krĩcha bꞌea Daizeze kĩrãwãrẽãnebemata jidadꞌaita.

Romanos 5:21

Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.