Juan 14:13 - Porciones del Nuevo Testamento

¹³ Jõma kꞌãrẽ mʉ Zezea widꞌibʉdata mʉneba widꞌibʉdara mʉã aribꞌaeya, aramaʉ̃ne mʉ Zezeta zhi zromata ũdukꞌawadꞌamarẽã mʉ zhi Warradꞌeba.

Juan 14:13 Iomraidhean Croise

Mateo 21:22

Jõma marãba widꞌibʉdara zhiwidꞌi soidꞌu kꞌobꞌebʉrʉ jidadꞌaya.

Mateo 7:7

Daizezea ne widꞌiudua, mawũãrã marãã diaya. Ne widꞌi bꞌeba jʉrʉudua, mawũãrã ũdudꞌaya. Ne widꞌi bꞌeba trʉ̃ũdua, mawũãrã jigaita puerta ewaya.

Marcos 11:24

Maʉ̃ba mʉã marãã jaraya, jõma marãba widꞌibʉdara zhiwidꞌi soidꞌu kꞌobꞌeaudua jidadꞌaita, mawũãrã marãma zeya.

Lucas 11:9

Mawũẽ mʉã marãã jaraya: Aramaʉ̃ kĩrãkꞌa Daizezea ne widꞌiudua, mawũãrã marãã diaya. Ne widꞌi bꞌeba jʉrʉudua, mawũãrã ũdudꞌaya. Ne widꞌi bꞌeba trʉ̃ũdua, mawũãrã jigaita puerta ewaya.

Juan 10:30

Mʉrã mʉ Zeze ũme abꞌaʉta panʉã.

Juan 12:44

Jesúsbara nemi jĩgua mawũãsia: Mʉnebemata ĩjã bꞌʉra bari mʉnebemata ĩjã bꞌʉ ẽã, awuarabʉrʉ ĩjã bꞌʉa mʉ zokꞌadꞌadꞌebemata.

Juan 13:31

Juda wãbʉrʉdꞌera Jesúsbara mawũãsia: Kꞌõbebʉrʉ Daizezebara zhi zromata ũdukꞌawabigaya mʉ Beubari Bape bꞌʉra, izhi Daizezesidꞌa zhi zromata ũdukꞌawabigaya mʉneba.

Juan 14:14

Mʉãã kꞌãrẽta widꞌidꞌara mʉãrã aribꞌaeya.

Juan 14:6

Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 15:7

Mʉ ũme bꞌebʉrʉ, mʉ bedꞌeata aribꞌae bꞌebʉrʉ widꞌiudua jõma mazha krĩñata, mʉã marãã diaya.

Juan 16:23

Maʉ̃ ewadera marãbara mʉãã widꞌidꞌa ẽã miã kꞌãrẽta. Mʉã wãrĩnu marãã jaraya, jõma kꞌãrẽ mʉ Zezea mʉneba widꞌibʉdara izha marãã diaya.

Juan 16:26

Maʉ̃ ewadera marãbara mʉneba kꞌãrẽ widꞌidꞌaya. Maʉ̃bara mʉãrã jara kꞌobꞌʉ ẽã mʉta mʉ Zezea zuburia bedꞌeaita marãbari.

Juan 16:7

Mawũãmina wãrĩnu mʉã marãã jaraya: Marãĩtara biga mʉrã wãĩta, mʉta wã ẽbʉrʉ Kꞌarebara marãma ze ẽã, mawũãmina mʉta wãrã mʉã marãma zokꞌaya

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 4:14

Mawũãmina baniã mʉã diabʉrʉta dobʉrʉra obisiakꞌa baya, awuarabʉrʉ baniã mʉã diabʉrʉra izhidꞌe drʉ nʉmaña Daizeze ũme bꞌai jõ ẽãta.

Juan 5:19

Maʉ̃ kꞌarea Jesúsbara mawũãsia: Mʉã wãrĩnu marãã jaraya: Mʉ zhi Warrabara mʉzhikusaubara miã kꞌãrẽta obꞌe ẽã, awuarabʉrʉ mʉ Zezeba obʉrʉta ũdubʉrʉta obꞌʉa, aramaʉ̃ne jõma mʉ Zezeba obꞌʉra mʉ zhi Warrabidꞌa obꞌʉa.

Juan 7:37

Fiesta jõbʉrʉ ewarita zhi zroma ewade, Jesús edau nʉmepe nemi jĩgua mawũãsia: Iabꞌa obisia bꞌʉbʉrʉ mʉma zerua, aramaʉ̃ne baniã dorua.