Juan 14:12 - Porciones del Nuevo Testamento

¹² Mʉã wãrĩnu marãã jaraya: Mʉnebemata ĩjã bꞌʉbara mʉã kꞌãrẽ onʉmʉta izhabidꞌa oya. Kꞌãrẽ audre oya mʉta wãĩ baera mʉ Zezema.

Juan 14:12 Iomraidhean Croise

Mateo 21:21

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãta soidꞌu bꞌebʉrʉ, marãma kꞌãrẽta bꞌe ẽãne duanu ẽbʉrʉ bari kꞌãwũã bakuru higuera kĩrãkꞌa odꞌa ẽã, awuarabʉrʉ kꞌatuma za nʉmʉã jarabʉdata: Ãĩ wãrũã, pusadꞌe doidꞌu wãrũã abʉdadꞌera aribꞌae nʉmaẽdaya.

Marcos 11:13

Maʉ̃ne wawarauba ũdusia bakuru higuera kidua bara nʉmʉta, mawũẽ akʉdꞌe wãsia zhi ta bꞌʉ kꞌawuaita, mawũãmina maĩnu jũẽbʉrʉdꞌera zhi kiduatrʉ ũdusia higo zaubari ewari ẽbaera.

Marcos 16:17

Mʉnebemata ĩjã bꞌebara ũdudꞌakꞌata bio odꞌaya: Mʉ trʉ̃neba jaita ãĩ jʉrekuadꞌaya, bedꞌeadꞌaya bedꞌeata zhiwidꞌita.

Juan 14:28

Marãbara ũrĩsidꞌa mʉã marãã mawũãnata: Mʉrã wãpe marãma zeya. Mʉta kʉãgꞌa bꞌebʉrʉ marã sobiadꞌaidꞌe bꞌʉa mʉã jarasi baera mʉrã mʉ Zezema wãĩta, mʉ Zezera zhi zromaneba mʉ audre.

Juan 16:7

Mawũãmina wãrĩnu mʉã marãã jaraya: Marãĩtara biga mʉrã wãĩta, mʉta wã ẽbʉrʉ Kꞌarebara marãma ze ẽã, mawũãmina mʉta wãrã mʉã marãma zokꞌaya

Juan 4:37

Maʉ̃ẽnabemata jarabadara wãrĩnuta mawũã bꞌʉa: Abꞌara zhi ubaria, waya dewarabemata zhi bꞌʉabaria.

Juan 5:20

Mʉ Zezebara zhi Warra mʉrã kʉãgꞌaba jõma ũdubi bꞌʉa izha obꞌʉra, mawũẽ kꞌãrẽ ãmaña audre waibꞌʉata bio ũdubiya, mawũẽ marãbara bia akʉdrua jirpaneña.

Juan 7:33

Mawũẽ Jesúsbara mawũãsia: Mʉrã wadꞌi ewari kꞌakutua marã bawara bꞌape wãña mʉ zokꞌadꞌama.

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Hechos 10:46

Ãzhara ũrĩsidꞌa bedꞌea awuara bedꞌea kꞌobꞌeta, Daizeze ibia jara kꞌobꞌeta.

Hechos 16:18

Maʉ̃ kꞌaudꞌa bꞌasia ewari bio. Mawũẽ Pablora bĩ ẽãpe pʉrʉwape jaia mawũãsia: Mʉã bʉaa jaraya, Jesucristo trʉ̃neba ãĩ wãrũã kꞌãʉ̃ wũẽrãnebara. Mawũãĩ ãĩ wãsia aramaʉ̃ta.

Hechos 19:12

Pañuelota o wuata Pablo kꞌakuama tʉdꞌape ede jirpanesia kꞌayarãma, aramaʉ̃ne puara ãĩ wã nʉmasia ãzhidꞌebara, jai kꞌazhiruarãsidꞌa ãĩ wã nʉmasia.

Hechos 2:33

Daizezebara izhi juwua araare Jesús zhi zromata bꞌʉsia, zhi Zezeba Jawurebia diaya adꞌata jidape dedꞌekabʉrʉta marãba kꞌãwũã ũdubʉda, ũrĩbʉda.

Hechos 2:41

Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil.

Hechos 4:16

mawũãsidꞌa: ¿Naʉ̃rã sãwũã odꞌaipe? Wãrãne ãzhidꞌeba ũdudꞌakꞌata dajada odogꞌota Jerusalénne bꞌebara jõmaʉ̃ba kꞌawuabʉda, mawũẽ dazhirãbara sewa abꞌedꞌa ẽã.

Hechos 4:33

Aramaʉ̃ne Jesúsba zokꞌakuadꞌabara zarea bara jara bꞌeasia Nokꞌo Jesús beudꞌata piradrʉdꞌata. Daizezebara biodꞌe bia nʉmʉkꞌãrĩsia ãzhi jõma.

Hechos 4:4

Mawũãmina bedꞌeata ũrĩnapeadꞌabara bioba Jesúsdꞌebema ĩjãsidꞌa. Aramaʉ̃ne zhũmakĩrãrãta panasita bꞌʉa cinco mil.

Hechos 5:15

Zhãrãbara kꞌayarã odꞌe bꞌʉkua jirpanesia barkuadꞌe, jueporodꞌe, aramaʉ̃ne Pedro berabꞌaribʉrʉdꞌe arigu zhi jawureba warabʉrʉba bꞌemarẽã ãzhi iabꞌaʉdꞌebemata.

Hechos 6:7

Daizeze bedꞌeara wuaabʉrʉ jara wãsidꞌa, mawũẽ Jesúsdꞌebema ĩjã bꞌera kꞌãbãẽã eaba wãsia Jerusalénnerã. Sacerdoterãbidꞌa bioba ĩjã tupudꞌeasia.

Hechos 8:7

Bioba jai abꞌedꞌebara jaira bꞌia ãĩ wã nʉmasia. Kꞌakua pira ẽã kꞌaya bꞌera, wã bꞌe ẽã bꞌera bꞌe tupudꞌeasia.

Hechos 9:34

Pedrobara mawũãsia: Enea, Jesucristobara bʉra bꞌebiya. Piradrʉpe bʉzhi estera bʉratʉrua. Mawũãĩ aramaʉ̃ta piradrʉsia.

Hechos 9:40

Jõma ãĩ wãbigape Pedro sãkꞌokꞌodꞌe kꞌobꞌepe zhiwidꞌisia. Mobe beuwãrãta akʉ mawũãsia: ¡Tabita, piradrʉrua! Dabʉ ogꞌabʉrʉdꞌe Pedrota ũdui jewedꞌasia.

Romanos 15:19

Mʉãrã ũdudꞌakꞌa zromata okuasia Jawurebia Daizezedꞌe zareadꞌeba. Aramaʉ̃ne Jerusalénneba Ilírico druaidꞌu jõmaʉ̃ã jarasia bedꞌea biata Cristodꞌera.