Juan 12:40 - Porciones del Nuevo Testamento

⁴⁰ Daizezebara mawũãsia: Ĩjãna ẽãba mʉãrã ãnatʉsia ãzhi dabʉra, zarea duanusia ãzhi sora, aramaʉ̃nerã ũdudꞌa ẽã dabʉbara, sãwũãta kꞌawuadꞌa ẽã sobara, miã kꞌazhiruara ãmape mʉ pẽwãna ẽã mʉã ẽdrʉbigaira. (Isaías 6:10)

Juan 12:40 Iomraidhean Croise

Mateo 15:14

Idaribiudua, jipa ededꞌa ẽã Daizezedꞌebema kꞌawuadꞌa ẽãba daʉbꞌerrea bꞌe kĩrãkꞌa bꞌera. Daʉbꞌerrea bꞌʉba daʉbꞌerrea bꞌʉta erbꞌari edera abꞌarika bꞌaedꞌaya zobꞌeadꞌe.

Marcos 4:12

Akʉ bꞌeidꞌu sãwũãta kꞌawua ẽã akʉ bꞌeamarẽã, ũrĩ bꞌeidꞌu sãwũãta kꞌawua ẽã ũrĩ bꞌeamarẽã. Mawũã bꞌedꞌebara kꞌazhiruara ãmape Daizezera pẽwãna ẽã izha bedꞌea ne ẽã bꞌʉkuaira kꞌazhiruata biodꞌeba.

Marcos 6:52

Aramaʉ̃nerã zhi zromata wadꞌi kꞌawuadꞌa ẽbasia pan wĩkaba kꞌabanata nekꞌobigadꞌamina, maʉ̃ne krĩchadꞌaira zare basia ãzhi sora.

Lucas 4:18

Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.

Lucas 8:10

Mawũãnaĩ izhara mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina awʉrʉrã izhidꞌebema ĩjã ẽã bꞌeara ne biodꞌeba jaraibara. Akʉ bꞌeidꞌu sãwũãta kꞌawua ẽã akʉ bꞌeamarẽã, ũrĩ bꞌeidꞌu sãwũãta kꞌawua ẽã ũrĩ bꞌeamarẽã.

Juan 12:39

Maʉ̃neba ĩjã bꞌedꞌa ẽbasia, maʉ̃ẽnabemata Isaíabara dewara mawũãsia:

Juan 9:39

Jesúsbara mawũãsia: Zhãrã kꞌawua oi kꞌarea mʉrã zesia naʉ̃ ẽjũãẽna. Aramaʉ̃ne Daizezedꞌebema ũdu ẽã bꞌebara ũdudꞌamarẽã, waya ũdu bꞌedꞌe bꞌebara ũdu ẽã bꞌeamarẽã.

Hechos 15:3

Ãzhita mebẽrãba mawũã wãbibʉdadꞌera Fenicia druadꞌe Samaria druadꞌe jara berabꞌarisidꞌa judíorã ẽãba Jesúsdꞌebema ĩjãnapeadꞌata, maʉ̃neba kꞌãbãẽã sobiasidꞌa mebẽrã jõma.

Hechos 28:26

Israel bꞌema wãpe mawũãdua: Mʉ bedꞌeara ũrĩ bꞌeidꞌu sãwũãta kꞌawuadꞌa ẽbaya, akʉ bꞌeidꞌu sãwũãta kꞌawuadꞌa ẽbaya.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Romanos 9:18

Aramaʉ̃ne Daizezebara izha sozuburia krĩñata sozuburia bꞌʉa, bedꞌea ũrĩ ẽã zarea nʉmabi krĩñata zarea nʉmabi bꞌʉa.