Juan 10:15 - Porciones del Nuevo Testamento

¹⁵ Aramaʉ̃ kĩrãkꞌa mʉ Zezebara mʉrã ũdukꞌawua bꞌʉa, mʉ Zezera mʉãbidꞌa ũdukꞌawua bꞌʉa. Mʉrã beuya ovejarã kꞌarea.

Juan 10:15 Iomraidhean Croise

Mateo 11:27

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, mʉ Zezebʉrʉ kꞌawua bꞌʉa, miõba kꞌawua ẽã mʉ Zezedꞌebema, mʉ zhi Warrabʉrʉ kꞌawua bꞌʉa, mawũẽ mʉ zhi Warraba kꞌawuabi krĩñabʉrʉaara kꞌawuabiya.

Mateo 20:28

Aramaʉ̃ kĩrãkꞌa mʉ Beubari Bape bꞌʉra ze ẽbasia zhãrãba aribꞌaedꞌamarẽã, awuarabʉrʉ zesia zhãrã aribꞌaeita, aramaʉ̃ne mʉ bebura diaya jõmaʉ̃bari.

Lucas 10:21

Maʉ̃ ewadera Jesús Jawurebiadꞌeba sobia mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea. Zeze, bʉma mawũã biga basia.

Lucas 10:22

Izhidꞌebemata jõma mʉãã kꞌawuabisia mʉ Zezebara. Miõba kꞌawua ẽã mʉ zhi Warradꞌebema, awuarabʉrʉ kꞌawua bꞌʉa mʉ Zezebʉrʉ. Miõba kꞌawua ẽã mʉ Zezedꞌebema, awuarabʉrʉ kꞌawua bꞌʉa mʉ zhi Warrabʉrʉ. Mawũẽ mʉ zhi Warraba kꞌawuabi krĩñabʉrʉara kꞌawuabiya.

Juan 1:18

Daizezera miõba ũdukꞌa, mawũãmina zhi Warra abꞌa bꞌʉta zhi Zeze ũme bꞌʉba dazhirãã kꞌawuabisia sãwũã bꞌʉta.

Juan 10:11

Mʉrã bigaua ovejarã akʉira. Ovejarã akʉita bigaura beubaria ovejarã kꞌarea.

Juan 15:13

Kʉãgꞌata kꞌãbãẽã erubꞌʉbara izhi bebuta diaya izhi bawara zhibiarãbari.

Juan 17:25

Zeze, bʉra biata bꞌʉa, ẽjũãne bꞌebara bʉra ũdukꞌawadꞌa ẽã, mawũãmina mʉã bʉra ũdukꞌawua bꞌʉa, naʉ̃rã mʉnebemata bꞌebara kꞌawuasidꞌa mʉrã bʉa zokꞌadꞌata.

Juan 6:46

Mʉã maʉ̃ta jarabʉrʉ ẽã iabꞌaʉba mʉ Zezeta ũdudꞌaba, awuarabʉrʉ mʉta Daizeze maẽba zedꞌabʉrʉ mʉãbʉrʉ ũdubaria mʉ Zezera.

Juan 8:55

Mawũãmina marãbara izhira ũdukꞌawua duanu ẽã, maʉ̃ne mʉãrã ũdukꞌawua bꞌʉa, mʉã ũdukꞌawua bꞌʉ ẽã ara, sewa nebʉrʉmiã baya marã kĩrãkꞌa, mawũãmina mʉãrã ũdukꞌawua bꞌʉa, mawũẽ mʉãrã izhi bedꞌeara aribꞌae bꞌʉa.