Hechos 3:10 - Porciones del Nuevo Testamento

¹⁰ Plata widꞌiita jewedꞌa bꞌadꞌata ũdukꞌawasidꞌa, Daizeze deta puerta Kĩrãwãrẽã abada maẽ jewedꞌa bꞌasia. Mawũẽ bia akʉdruasidꞌa mawũã berabꞌaribʉrʉba.

Hechos 3:10 Iomraidhean Croise

Mateo 14:35

Zhãrã mama bꞌeba Jesústa kꞌawuadꞌai ibꞌarita jarabisidꞌa maʉ̃ drua jõma, mawũẽ jõma izhima wesidꞌa kꞌaya bꞌeta.

Lucas 4:36

Mawũẽ jõmaʉ̃ba bia akʉdrua ãzhirãĩnu mawũãsidꞌa: ¿Naʉ̃ bedꞌeara kꞌãrẽ zhi zromape? Jaira zarea bara jʉrekua bꞌʉba ãĩ wã nʉmeã.

Lucas 9:43

Jõmaʉ̃ba bia akʉdruasidꞌa zhi zroma baera Daizezera. Ne jõma obꞌʉ kꞌarea bia akʉdrua nʉmene Jesúsbara izha jʉrʉkuadꞌaa mawũãsia:

Juan 5:20

Mʉ Zezebara zhi Warra mʉrã kʉãgꞌaba jõma ũdubi bꞌʉa izha obꞌʉra, mawũẽ kꞌãrẽ ãmaña audre waibꞌʉata bio ũdubiya, mawũẽ marãbara bia akʉdrua jirpaneña.

Juan 9:3

Mawũãnaĩ Jesúsbara panaʉ̃ mawũãsia: Izha kꞌazhiruata odꞌadꞌeba kꞌãwũã bꞌʉ ẽã, miã zhibarirãba kꞌazhiruata odꞌapeadꞌadꞌeba kꞌãwũã bꞌʉ ẽã, awuarabʉrʉ kꞌãwũã tosia Daizezeba kꞌãrẽ obꞌei bꞌʉta dajada nʉmemarẽã naʉ̃neba.

Juan 9:8

Mawũẽ arakꞌaita bꞌebara naara daʉbꞌerrea bꞌʉta akʉ bꞌeadꞌabara mawũãsidꞌa: ¿Naʉ̃ ẽka jewedꞌape nebari widꞌi bꞌadꞌara?

Hechos 2:12

Maʉ̃nerã jõmaʉ̃ba bia akʉdrua ãzhirãĩnu mawũãsidꞌa: ¿Kꞌãrẽpe kꞌãwũãrã?

Hechos 2:7

Mawũẽ ãzhara bia akʉdrua mawũãsidꞌa: Akaudua, ¿Galileadꞌebema ẽka naʉ̃rã jõma za bedꞌea kꞌobꞌera?

Hechos 3:2

Maʉ̃ne ũmakĩrãta bꞌasia wã bꞌe ẽã todꞌata, izhira wedꞌape ewariza bꞌʉbazhidꞌa Daizeze deta puerta Kĩrãwãrẽã abada maẽ. Mawũã bꞌʉbazhidꞌa Daizeze dedꞌa edꞌa wãbʉdaa plata widꞌimarẽã.