Hechos 24:24 - Porciones del Nuevo Testamento

²⁴ Ewari tẽãne Félix zhi kĩma Drusila ũme zesia, zhi kĩma judía basia. Maʉ̃nerã Pablo trʉ̃pe ũrĩsia Jesucristodꞌebema ĩjã bꞌedꞌebemata.

Hechos 24:24 Iomraidhean Croise

Marcos 6:20

Herodebara Juan wawia bꞌasia izha kꞌawua bꞌʉba biata Daizezeita bꞌʉta, mawũẽ idaribi ẽbasia. Juan bedꞌeata ũrĩbʉrʉdꞌera sãwũãĩ kꞌawua ẽã bꞌasimina ũrĩ krĩña ũrĩ bꞌasia.

Lucas 19:3

ũdu krĩña bꞌasia Jesús kꞌai kꞌawuaita, mawũãmina kꞌabanaba bꞌe ẽbasia wĩka bꞌʉba.

Lucas 23:8

Aramaʉ̃ne Herodeba Jesús ũdubʉrʉdꞌera kꞌãbãẽã sobiasia ũdu krĩña bꞌʉta ewari dããrã basi baera. Izhi ʉ̃rʉ̃bemata ne bio ũrĩ bꞌasi baera ũdu krĩñasia ũdudꞌakꞌata obʉrʉta.

Hechos 16:31

Mawũãĩ ãzhara mawũãsidꞌa: Ĩjãrũã Nokꞌo Jesucristodꞌebemata, mawũãrã ẽdrʉya bʉta bʉzhi dedꞌabema bawara.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 24:25

Maʉ̃nerã Pablobara jarasia bia ẽãta o ẽbaidꞌebemata kĩrãẽpa bꞌaidꞌebemata, dewara jarasia Daizezeba zhãrã kꞌawua oita ewarita zeita, nokꞌo Félix maʉ̃ba perape mawũãsia: Namabaia wãrũã. Mʉã trʉ̃ bꞌeidꞌe mʉã bʉra trʉ̃ña.

Hechos 26:22

Mawũãmina Daizezeba kꞌareba nʉmʉba idꞌi basiidꞌu jara nʉmʉã zhi zroma ẽãta bꞌea, zhi zromata bꞌea, aramaʉ̃ne mʉãrã jãpe jara nʉmʉ ẽã Daizezeba bedꞌeata jarabibarirãba dewara Moiséba sãwũã berabꞌariita jaradꞌapeadꞌara: