Hechos 23:10 - Porciones del Nuevo Testamento

¹⁰ Aramaʉ̃ne wuaabʉrʉ kꞌaikꞌaia jirpanʉba soldaorã nokꞌota wagꞌaura perasia, mawũẽ ãzhara Pablora baʉcha naʉ̃sãbidꞌaidꞌeba soldaorãã jarasia wãnape zhãrã maẽbara edꞌa ededꞌamarẽã ãzhi soldaorã tabꞌʉ maẽ.

Hechos 23:10 Iomraidhean Croise

Hechos 21:37

Soldaorã tabꞌʉ dedꞌa edꞌa buedꞌaidꞌe Pablobara soldaorã nokꞌota wagꞌaua mawũãsia: ¿Bʉara mʉrã idaribiika bʉaa bedꞌeata jaraira? Mawũãĩ jaribara mawũãsia: ¿Bʉara kꞌãwũã kꞌawua bꞌʉka griego bedꞌeara?

Hechos 22:24

soldaorã nokꞌota wagꞌaubara soldaorã tabꞌʉ maẽ edꞌa ededꞌamarẽã jarape udꞌamarẽã jarasia bedꞌeamarẽã, aramaʉ̃ne kꞌawuaita kꞌãrẽã mawũã kĩrũ jʉra bꞌikua nʉmeta izhi ʉ̃rʉ̃.

Hechos 23:16

Mawũãmina Pablo nawekꞌau wauba mawũã kũrũgadꞌaita bedꞌea kꞌopanʉta ũrĩbʉrʉdꞌera, wãpe edꞌa wãsia soldaorã tabꞌʉ maẽ, mobe jarasia Pabloa.

Hechos 23:27

Ũmakĩrã naʉ̃ta judíorãba jidadꞌape ãzha beadꞌaidꞌe, mʉta soldaorã bawara wãpe kꞌarebasia mʉã kꞌawuape Roma bidꞌata.

Hechos 23:28

Kꞌãrẽã jirpanʉta kꞌawua krĩñaba mʉãrã edesia nokꞌorã wagꞌaurãta ãzhidꞌema.

Hechos 23:32

Nrũẽma kꞌawayo banaã chãbꞌarisidꞌa wãnamarẽã izhi bawara, mobe jẽrũya zekuasia ãzhi soldaorã tabꞌʉma.

Hechos 24:7

Mawũãmina soldaorã nokꞌo wagꞌauta Lisiaba zhõne jãrĩsia dai juwuadꞌebara.