Hechos 13:3 - Porciones del Nuevo Testamento

³ Aramaʉ̃ne nekꞌo ẽã zhiwidꞌi tabꞌape ãzhi ʉ̃rʉ̃ juwua bꞌʉkua zhiwidꞌisidꞌa, mobe buegasidꞌa.

Hechos 13:3 Iomraidhean Croise

Lucas 2:37

Pẽdrata bꞌʉta ochenta y cuatro año bata bꞌasia. Izhira Daizeze dedꞌa ewara maẽ wã tau ẽãta diamase ewaridꞌe Daizeze ibia jara bꞌidꞌa bazhia nekꞌo ẽã zhiwidꞌi.

Hechos 1:24

Mobebʉrʉ zhiwidꞌi mawũãsidꞌa: Nokꞌó, bʉabʉrʉ jõmaʉ̃ sota ũdukꞌawua bꞌʉa, mawũẽ daia kꞌawuabirua naʉ̃rã ũmenebema bʉa sãʉ̃ta jʉrʉbʉrʉta.

Hechos 13:2

Ewari abꞌa mebẽrã Daizeze ibia jara nekꞌo ẽã zhiwidꞌi tabꞌʉdꞌe Jawurebiaba mawũãsia: Bernabéta, Saulota mʉĩta bꞌʉudua, kꞌãrẽ obigaita mʉã jʉrʉkuabʉrʉa.

Hechos 13:4

Ãzhira aramaʉ̃ne Jawurebiaba zokꞌakuabʉrʉba edꞌaa wãsidꞌa Seleucia pʉwʉrʉedꞌa. Mamaʉ̃ba barcodꞌe kĩrãrã wãsidꞌa dodꞌu Chipreidꞌu.

Hechos 14:23

Pʉwʉrʉza mebẽrã bꞌe maẽ nokꞌorãta bꞌʉsidꞌa. Nekꞌo ẽã zhiwidꞌi tabꞌape Jesúsdꞌebema ĩjã bꞌera Daizezea chãbꞌarisidꞌa izhidꞌebemata ĩjãnapeadꞌaba.

Hechos 14:26

Mamaʉ̃ba barcodꞌe wãsidꞌa Antioquía pʉwʉrʉedꞌa, mama chãbꞌaridꞌapeadꞌa basia ãzhira Daizezeba izhi biaba kꞌarebamarẽã, maʉ̃nebemata mawũã aribꞌaesidꞌa.

Hechos 15:40

Waya Pablobara Silata jʉrʉ edape wãbʉrʉdꞌera, izhi biaba ãzhi akʉmarẽã mebẽrãbara chãbꞌarisidꞌa Daizezea Nokꞌoa.

Hechos 6:6

Maʉ̃rãta edesidꞌa Jesúsba zokꞌakuadꞌa kĩrãbita, mawũẽ maʉ̃rãbara zhiwidꞌi ãzhi ʉ̃rʉ̃ juwua bꞌʉsidꞌa.

Hechos 9:17

Mawũãĩ Ananía wãpe deidꞌu wãsia, mobe juwua izhi ʉ̃rʉ̃ bꞌʉpe mawũãsia: Mebea Saulo, Nokꞌo Jesús bʉ zedꞌa odꞌe bʉaa zhi ũdubidꞌaba mʉta zokꞌasia bʉta wakusa ne ũdumarẽã, Jawurebiaba bira bꞌamarẽã.

Romanos 10:15

¿Sãwũã jaradꞌaipe jaradꞌe zokꞌakuadꞌa ẽbʉrʉ? Maʉ̃ẽnabemata zhi bꞌʉmata mawũã bꞌʉa: ¡Kꞌãbãẽã kĩrãwãrẽã adu-a bꞌaidꞌebemata jara bꞌera bedꞌea biata!