Hechos 12:5 - Porciones del Nuevo Testamento

⁵ Aramaʉ̃ne Pedrora akʉ bara bꞌesia cárceldꞌe. Mawũãmina mebẽrã Daizezea zhiwidꞌi taudꞌa ẽbasia izhibari.

Hechos 12:5 Iomraidhean Croise

Mateo 18:19

Dewara mʉã marãã jaraya, marãnebemata ũme naʉ̃ druadꞌe krĩcha abꞌarika zedꞌape ne bariduta widꞌidꞌara, aribꞌaeya mʉ Zeze ʉ̃tre bꞌʉbara.

Lucas 18:1

Jesúsbara ne jarakꞌasia ewariza zhiwidꞌii baradꞌebemata poea ẽã.

Hechos 12:12

Mawũã kꞌawuape María dedꞌa zesia Juan papa maẽ, Juan abꞌaʉta Marco basia. Bio mama zhi jʉre duanasia zhiwidꞌi.

Hechos 12:4

Mawũã jidabipe bꞌʉsia cárceldꞌe. Mobe soldaorã dieciseia chãbꞌarisia zhiya kĩmarẽba trokꞌa akʉdꞌamarẽã. Izhara kꞌawua oita ãĩ edape zhãrãã ũdubigaita krĩchasia fiesta tẽã.

Hechos 12:6

Herodebara kꞌawua oita nrũẽma ãĩ edaidꞌera, maʉ̃ diamasera Pedrora soldaorã juwuama jʉ̃ kꞌãĩ bꞌasia soldaorã ũme ẽsadra, aramaʉ̃ne jʉ̃ bꞌasia cadena ũmeba, maʉ̃ne soldaorã dewaraurãbara puerta kĩrãbita akʉ bara bꞌasia cárcel nʉmʉrã.