Hechos 1:15 - Porciones del Nuevo Testamento

¹⁵ Maʉ̃ ewade Pedrora mebẽrã ẽsadra piradrʉsia bedꞌeai kꞌarea, maʉ̃nerã ciento veinte kĩrãkꞌa zhi jʉre nʉmʉne mawũãsia:

Hechos 1:15 Iomraidhean Croise

Mateo 13:31

Dewara ne jarakꞌa mawũãsia: Daizezeta Nokꞌodꞌebemane bꞌera wari bꞌʉa, mawũẽ mostaza tadꞌebema kĩrãkꞌa bꞌʉa, iabꞌaʉba usia izhi druadꞌe.

Lucas 22:32

Mawũãmina mʉrã bʉ bari Daizezea zuburia bedꞌeasia, mʉnebema ĩjã bꞌʉta kenabꞌari ẽbamarẽã. Mawũẽ bʉta wakusa mʉ pẽwãbʉrʉdꞌera jipa nʉmeãĩta kꞌarebarua bʉzhi mebẽrãta.

Juan 14:12

Mʉã wãrĩnu marãã jaraya: Mʉnebemata ĩjã bꞌʉbara mʉã kꞌãrẽ onʉmʉta izhabidꞌa oya. Kꞌãrẽ audre oya mʉta wãĩ baera mʉ Zezema.

Juan 21:23

Maʉ̃neba mebẽrãbara ãzhirãĩnu jara duanesia maʉ̃ Jesúsba jʉrʉdꞌara beu ẽãta. Mawũãmina Jesúsbara jara ẽbasia beu ẽãta, awuarabʉrʉ mawũãsia: Naʉ̃ mʉ zeyeedꞌa bꞌaita mʉã krĩñabʉrʉ, ¿bʉa sãwũãĩpe?

Hechos 10:23

Mawũãnaĩ deidꞌu wãbigasia. Nrũẽma piradrʉpe wãsia ãzhi bawara. Mebẽrã ʉ̃kʉrʉba kꞌopaya wãsidꞌa Jope pʉwʉrʉdꞌebemaba.

Hechos 11:1

Jesúsba zokꞌakuadꞌabara mebẽrã Judea druadꞌe bꞌebara ũrĩsidꞌa mawũã judío ẽãta bꞌebidꞌa ĩjãbʉdata Daizeze bedꞌeara.

Hechos 11:12

Maʉ̃ne Jawurebiaba mʉãã jarasia ãzhi bawara wãmarẽã ne krĩcha ẽã. Mʉ bawara seis wãsidꞌa mebẽrã naʉ̃rãsidꞌa, daira aramaʉ̃ne deidꞌu wãsidꞌa Cornelio dedꞌa.

Hechos 11:26

Mama año abꞌa zhi jʉre bꞌeasia mebẽrã bawara, aramaʉ̃ne zhãrã bio ũrãgꞌasidꞌa. Maʉ̃nerã Jesúsdꞌebema ĩjã bꞌera zhi trʉ̃gagꞌaita cristorãta trʉ̃gasidꞌa Antioquíadꞌera.

Hechos 11:29

Maʉ̃nerã Jesúsdꞌebema ĩjã bꞌebara ãzha dia bꞌeita abꞌa abꞌaʉba ne erubꞌera kꞌarebata diabuedꞌaita krĩchasidꞌa mebẽrã bꞌema Judeadꞌe.

Hechos 12:17

Maʉ̃ne izhara chupeadꞌamarẽã juwuaba jarape nebʉrʉsia Daizezeba sãwũã ẽdrʉbita cárceldꞌeba. Mobe mawũãsia: ¡Maʉ̃ta kꞌawuabiudua Jacoboa dewara mebẽrãã! Mawũãpe wãbʉrʉta wãsia ẽjũã awʉrʉedꞌa.

Hechos 14:2

Mawũãmina judíorã zhi ĩjãna ẽãbara judíorã ẽãta krĩcha ãrĩsidꞌa mebẽrã ʉ̃rʉ̃.

Hechos 15:1

Maʉ̃nerã ʉ̃kʉrʉ Judea druadꞌeba zebʉdabara mebẽrã judíorã ẽãta ũrãgꞌa mawũãsidꞌa: Moisédꞌeba nʉmʉ kĩrãkꞌa zhũmakĩrã kꞌakua eta kꞌõ ẽbʉrʉ marã ẽdrʉ bꞌe ẽã.

Hechos 15:3

Ãzhita mebẽrãba mawũã wãbibʉdadꞌera Fenicia druadꞌe Samaria druadꞌe jara berabꞌarisidꞌa judíorã ẽãba Jesúsdꞌebema ĩjãnapeadꞌata, maʉ̃neba kꞌãbãẽã sobiasidꞌa mebẽrã jõma.

Hechos 16:2

Timoteora bia jara panasia mebẽrã bꞌebara Listradꞌe, Iconione.

Hechos 16:40

Mawũẽ cárceldꞌebara wãbʉdata deidꞌu wãsidꞌa Lidia dedꞌa. Aramaʉ̃ne mebẽrã bawara zhi ũdukuape soidꞌu bꞌeamarẽã ũrãgꞌadꞌape wãsidꞌa.

Hechos 17:10

Aramaʉ̃ta mebẽrãbara Pablo, Sila diamase buesidꞌa Berea pʉwʉrʉidꞌu. Jũẽnape edꞌa wãsidꞌa de zhi jʉrebadata judíorãne maẽ.

Hechos 17:14

Mawũẽ mebẽrãbara Pablo aramaʉ̃ta wãbisidꞌa pusaidꞌu. Mawũãmina Silara Timoteora panesia mama.

Hechos 17:6

Mawũãmina ũdudꞌa ẽbaera Jasónta mebẽrã ʉ̃kʉrʉ bawara nokꞌorã pʉwʉrʉdꞌebema kĩrãbita wedꞌape nemi jĩgua mawũãsidꞌa: Naʉ̃rãbara ẽjũãne bꞌera kꞌawua ẽã okua bꞌeta zebʉda naĩnubidꞌa.

Hechos 18:18

Pablora mama ewari bio bꞌape mebẽrãã wãta jarape barcodꞌe wãsia Siria druaedꞌa, maʉ̃nerã ãba wãsidꞌa Priscila zhi kĩma Aquila ũme. Wãĩ nawedꞌa Cencrea pʉwʉrʉdꞌe Pablora budꞌa wẽbisia, aribꞌaedꞌaba Daizezeita kꞌãrẽ oita jaradꞌata.

Hechos 18:27

Izhita Acaya druaedꞌa wã krĩñabʉrʉdꞌera mebẽrãbara bʉ wãĩrã biga abʉdata Jesúsdꞌebema ĩjã bꞌema bedꞌeata bꞌʉpe diabuesidꞌa bia edadꞌamarẽã. Maĩnu jũẽbʉrʉdꞌera kꞌãbãẽã kꞌarebasia Jesúsdꞌebema Daizezeba izhi biaba ĩjãbi bꞌʉta ĩjãnapeadꞌata.

Hechos 21:17

Jerusalén pʉwʉrʉedꞌa zebʉdadꞌera mebẽrãbara daira bia edasidꞌa sobia.

Hechos 21:20

Maʉ̃ta ãzha ũrĩbʉdadꞌera Daizezera ibia jarasidꞌa. Mobe Pabloa mawũãsidꞌa: Akʉbꞌʉe mebea, judíorãnebema mil bio bꞌʉa Jesúsdꞌebema ĩjãbʉdata, jõmaʉ̃ba aribꞌae bꞌea Moisé ũrãgꞌata.

Hechos 21:7

Daira pusadꞌe wã taubʉdata Tiro pʉwʉrʉdꞌeba jizoasia Tolemaida pʉwʉrʉedꞌa. Mama mebẽrã saludꞌadꞌape ãzhi bawara duanesia ewari abꞌa.

Hechos 22:5

Sacerdote wagꞌaubara kꞌawua bꞌʉa mʉ maʉ̃ kꞌaudꞌa bꞌadꞌara, kꞌawua bꞌea nokꞌorã jõmaʉ̃ba, ãzhara mʉãã kꞌarta diasidꞌa Jesúsdꞌebema ĩjã bꞌera mʉãrã jidasia bꞌʉta dazhirã ʉrerãta bꞌera. Mawũẽ mʉrã Damascoedꞌa wãsia mama bꞌesidꞌa Jerusalén pʉwʉrʉedꞌa jidakua weita, aramaʉ̃ne pua kꞌawua odꞌamarẽã.

Hechos 28:14

Mama mebẽrã ʉ̃kʉrʉ ũdusidꞌa, maʉ̃rã zuburia bedꞌeasidꞌa dai ãzhi bawara duanemarẽã ewari siete. Mobebʉrʉ wãsidꞌa Roma pʉwʉrʉedꞌa.