फिलिप्‍पि 4:7 - चितवनिया थारु

⁷ परमेस्‍वर तोहार मनवामा सान्‍ति देबसि, केहकेकि येसु ख्रिस्‍टमा तोहरा एक भेल बडह। इअ सान्‍ति तोहार बुझे सकलिसे जबड बडइ। इअ तोहार हृदय हसे मनवाके चिन्‍तासे बचोबिय।

फिलिप्‍पि 4:7 Iomraidhean Croise

लुका 1:79

हसे यन्‍हारिमा रहलाहर हसे मृत्‍युक लजिक भेलहरवानिके ज्‍योति देबसि। उहे ज्‍योतिया हमराके सान्‍तिक पइडावामा डोर्‍योबिय।”

लुका 2:14

“सबसे वपरा स्‍वरगमा रहलाहर परमेस्‍वरक जयजयकार हखइ हसे धरतियामा जुन मन्‍सावानिसाङे प्रभु खुसि हखबसि, हुनुकर सान्‍ति हखइ।”

युहन्‍ना 14:27

मुइ तोहराके मोर सान्‍ति छाडदेबहिँ, मुइ यापन सान्‍ति तोहराके देबहिँ। संसारक देलि नहिँया मुइ तोहराके नाहिँ देबहिँ। तोहार हृदय व्‍याकुल झिन हखइ हसे तोहरा झिन डेरइह।

युहन्‍ना 16:33

तोहरा मोरमा रहके सान्‍ति पावे सकह कहके मुइ इअ जम्‍मे बतवा तोहराके कहले हखहि। इअ संसारमा तोहराके खाँ दुःख हतइ, बाकि सहास करह! केहकेकि मुइ संसारके जितले बडहिँ।”

रोमि 1:7

रोम सहरवामा भेलि तोहरा जम्‍मे जनके मुइ इअ चिठिया लिखइ बडहिँ। परमेस्‍वर तोहरा जम्‍मे जनके प्रेम करइ बडसि हसे हुनेक पवितर जन हखेके तहिँया बलावल बडह। हमार पिता परमेस्‍वर हसे प्रभु येसु ख्रिस्‍ट तोहराके दाया देखोइय तके सान्‍ति दिय।

रोमि 14:17

केहकेकि परमेस्‍वरक राज कहले खाए हसे पिएके हइने, बाकि उअ धारमिकता, सान्‍ति हसे आनन्‍दक बारेमा हखइ, जुन पवितर-आत्‍मा देससि।

रोमि 15:13

तोहरा यासा देलाहर परमेस्‍वरमा विस्‍वास करले बडह। हुनेहिँ तोहराके आनन्‍द हसे सान्‍तिसे भरदेसि। ताकि तोहार यासा पवितर-आत्‍माक सक्‍तिमा बढते जयसकइ।

रोमि 5:1

हमरा येसु ख्रिस्‍टमा विस्‍वास करलेसे परमेस्‍वरक यागा ठिक ठहरल बडहुँ हसे हमार प्रभु येसु ख्रिस्‍टसे परमेस्‍वरसाङे हमार मिलाप भेल बडइ।

रोमि 8:6

पाप स्‍वभावक इछा मन्‍सावाके मृत्‍युमा पुगोसिय, बाकि पवितर-आत्‍मामा मन लगोबिय जउँ, उअ अनन्‍त जिवन हसे सान्‍ति पउबिय।

२ कोरिन्‍थि 10:5

हमरा उअ सक्‍तिसे काम हइने लगना ठोरा-बोलिके हसे परमेस्‍वरक ग्‍यानक विरोधमा उठना विवाद तके घमन्‍डके हमरा नास करसहुँ। हमरा जम्‍मे खराब विचारके ख्रिस्‍टक आग्‍या पालन करेके तहिँया यापन वसमा पारसहुँ।

२ कोरिन्‍थि 13:11

याखिरमा, प्रियसभ, याबे मुइ बिदा हखइकि, तोहराके इअ कहे चाहबहिँ कि, आनन्‍दित रहिह, तोहरा सिद्ध बनेके कोसिस करिह, एक-दोसरि जनके उत्‍साह दिह, सान्‍तिमा रहिह हसे सान्‍ति तके प्रेम देलाहर परमेस्‍वर तोहारसाङे रहबसि।

गलाति 5:22

बाकि पवितर-आत्‍मा हमार जिवनमा इअ फरसभ फरोसिय: प्रेम, आनन्‍द, सान्‍ति, सहसान, दाया, भलाइ, विस्‍वस्‍तता,

एफिसि 3:19

हमरा कुनहुँ फेनि हुनेक प्रेम पुरन रुपमा बुझे नाहिँ सकबहुँ, ताफेनि तोहरा ख्रिस्‍टक प्रेमके पुरन रुपमा महसुस करे सकह कहके मुइ परथाना करसहिँ, ताकि तोहार स्‍वभाव फेनि परमेस्‍वरक स्‍वभाव नहिँया हखइ।

फिलिप्‍पि 1:1

येसु ख्रिस्‍टक दास पावल हसे तिमोथिवरिसे, फिलिप्‍पि सहरवामा रहलहरा परमेस्‍वरक उअ पवितर जनसभ जुने येसु ख्रिस्‍टमा एक भेल बडइ, मन्‍डलिक बिसपसभ हसे डिकनसभके इअ चिठिया लिखइ बडहुँ।

फिलिप्‍पि 1:2

हमार परमेस्‍वर पिता हसे प्रभु येसु ख्रिस्‍ट तोहराके अनुग्रह हसे सान्‍ति दिय।

फिलिप्‍पि 4:19

जुन परमेस्‍वरक सेवा मुइ करसहिँ, हुने तोहार जम्‍मे खाँचो पुरा करदेबसि। हुनेक प्रसस्‍त धन-सम्‍पतिसे तोहार चाहि लगना जम्‍मे चिजु देबसि, केहकेकि तोहरा येसु ख्रिस्‍टक हखह।

फिलिप्‍पि 4:21

येसु ख्रिस्‍टमा भेलि जम्‍मे परमेस्‍वरक जनके मोर अभिवादन बडइ। यहवाँ मोरसाङे रहलहरा जम्‍मे भयवाह तोहराके अभिवादन पठोले बडइ।

फिलिप्‍पि 4:9

तोहरा मोरसे सिखले बडह हसे जथि मुइ सिखोले बडहिँ उअ स्‍विकार करले बडह। तोहरा मोर कहलि सुनलह हसे मोर व्‍यबहार देखले बडह। तोहरा मोरसे पउलि सिछा पालन करिह हसे सान्‍ति देलाहर परमेस्‍वर तोहारसाङे रहबसि।

कल्‍लसि 3:15

ख्रिस्‍टक सान्‍ति तोहार हृदयमा राज करे दिह, केहकेकि वास्‍तवमा इअ सान्‍तिक तहिँया परमेस्‍वर तोहराके एके देहिक यङ हखेके तहिँया बलोलसि। तोहरा सबदिन धन्‍यवादि हखिह।

२ थेसलोनिकि 3:16

याबे सान्‍ति देलाहर प्रभु यपनहिँ हर समय, हरेक खलिकसे तोहराके सान्‍ति दिय। प्रभु तोहार जम्‍मे जनसाङे रहसि।

हिब्रु 13:20

हमार प्रभु येसु, जुने भेडवानिक महान भेडहार हखसि, हुने यापन रकत बहाके सबदिन रहना करार स्‍थापना करलसि। उहे बहोलि रकतवाक यधारमा सान्‍तिक परमेस्‍वर हुनेके मरलिसे फेरि जिउतोलसि।

यहुदा 1:1

मुइ यहुदा, येसु ख्रिस्‍टक दास हसे याकुबक भाइ, परमेस्‍वरसे बलोलि मन्‍सावानिके इअ चिठिया लिखइ बडहिँ। परमेस्‍वर पिता तोहराके प्रेम करससि हसे येसु ख्रिस्‍टमा रछा करससि।

प्रकास 1:4

एसिया छेतरमा भेलि सात गो मन्‍डलियानिके मुइ युहन्‍नाक अभिवादन: परमेस्‍वर जुने बडसि, जुने रहलसि हसे जुने यबसि तके हुनेक सिंहासनक यागा रहलाहर सात गो परमेस्‍वरक आत्‍मासे तोहराके अनुग्रह हसे सान्‍ति हखइ।

प्रकास 2:17

जाकर कान बडइ, पवितर-आत्‍मा मन्‍डलियानिके कहलि बतवा सुनिह। जुने दुस्‍टक सक्‍तिके जितसइ, वकरेके मुइ गुप्‍तमा रखाइल किहो खइना चिजु देबहिँ, जकरेके मन्‍ना कहसइ। मुइ हुनुकाके एगुडा गोरहर पत्‍थरा फेनि देबहि, जाकरमा एगुडा लउठा नाउँ लिखाइल हतइ। इअ गोरहरि पत्‍थरवा पउलहरा मतरे उअ नउवा जनतइ।