फिलिप्‍पि 4:19 - चितवनिया थारु

¹⁹ जुन परमेस्‍वरक सेवा मुइ करसहिँ, हुने तोहार जम्‍मे खाँचो पुरा करदेबसि। हुनेक प्रसस्‍त धन-सम्‍पतिसे तोहार चाहि लगना जम्‍मे चिजु देबसि, केहकेकि तोहरा येसु ख्रिस्‍टक हखह।

फिलिप्‍पि 4:19 Iomraidhean Croise

मतिक लिखल सुसमाचार 6:32

केहकेकि अयहुदि मन्‍सावाह मतरे यकर खोजि करसइ। इअ जम्‍मे चिजुवा तोहराके चाहि लगसइ कहके स्‍वरगमा रहलाहर तोहार पिताक थाह बडइ।

युहन्‍ना 20:17

येसुजि मरियमके कहलसि, “मोरके पकडले झिन रखहि, केहकेकि मुइ यखनिलइ पिता लघिना हइने गेल बडहिँ। बरु मोर भयवानिक लघिना जाके, ‘मुइ यापन पिता हसे तोहार पिता, यापन परमेस्‍वर हसे तोहार परमेस्‍वर लघिना जाइ बडहिँ’ कहके कहदेसि।”

युहन्‍ना 20:27

तब हुने थोमाके कहलसि, “तुइ यापन यङगुरिया यहवाँ रखहि हसे मोर हथवा हेरहि। मोर कोखवामा यापन हथवा घलहि। तुइ सक झिन करहि, बरु विस्‍वास करहि।”

रोमि 1:8

सबसे पहिला, मुइ हमार परमेस्‍वरके तोहार जम्‍मे जनक तहिँया येसु ख्रिस्‍टसे धन्‍यवाद देबहिँ, केहकेकि ख्रिस्‍टमा भेलि तोहार विस्‍वासक बारेमा जम्‍मे ठउरियामा फइलल बडइ।

रोमि 11:33

आहा! परमेस्‍वरक धन कतुरा बहुत हसे बुद्धि तके ग्‍यान कतुरा गहिर बडइ! हुनेक न्याय करबहिँ कहलि बतवा कुने बयान करे सकबिय? हुनेक काम करना तरिका कुने पाता लगावे सकबिय?

रोमि 2:4

कथि तोहरा परमेस्‍वरक बहुत दाया, सहसानाके किहो हइने सम्‍झसह? परमेस्‍वर यापन दायासे तोहार पापि मनवा हुनेवरि फिरोह कहलि बतवा कथि तोहार हइने थाह बडइ?

रोमि 8:18

मोर विचारमा, इअ जिवनमा हमार भोगलि कस्‍ट हमार पाछेसे पउना समानसाङे दजइकि किहो फेनि हइने बडइ।

रोमि 9:23

यादर पावेके तहिँया पहिलासे तयार पारलि हुनेक मन्‍सावानिके यापन महान सम्‍मानक देखावेके तहिँया यसके करलसि।

२ कोरिन्‍थि 12:21

मोर इअ फेनि डर बडइ कि, मुइ तोहार लघिना फेरि यवइकि परमेस्‍वर मोरके तोहार यागा झिनमिन बनोबसि हसे तोहार तहिँया मुइ सोक करे परतइ, केहकेकि तोहरा बहुत जन पहिला करल पुरान पाप करेके हइने छडले बडह तके तोहरा यापन करलि असुद्ध काम, धुचुड, घिन लगना छाडा काम करेके पछताप हइने करले बडह।

२ कोरिन्‍थि 4:17

इअ झिन-झिन हसे यघरिक कस्‍ट त हमराके कबहुँ फेनि हइने वरइना जबड महिमा पावेके मदत करसिय हसे इअ सम्‍झइकि त याजुक कस्‍टसे त सदियो किहो फेनि हइने हखइ।

एफिसि 1:18

मुइ तोहार तहिँया इअ फेनि परथाना करसहिँ कि, परमेस्‍वर तोहराके कुन यासाक तहिँया बलोले बडसि हसे पवितर जनसभक हुनेमा पउना हकक सम्‍मान कतहर महान बडइ कहके तोहराके बुझेके समझ दिय।

एफिसि 1:7

परमेस्‍वरक महान दायाक कारनसे ख्रिस्‍ट मरलेसे हमरा उद्धार हसे पापक छमा पउले बडहुँ।

एफिसि 2:7

परमेस्‍वर यसनुक करेके उदेस्‍य इअ हखइ कि, येसु ख्रिस्‍टसे हुने हमराके देखोलि दाया कतुरा महान बडइ कहके यावेवाला जुगमा देखावे चाहलसि।

एफिसि 3:16

मुइ इअ परथाना करसहिँ कि, हुनेक महिमाक महान सम्‍पतिसे हुनेक आत्‍मा तोहराके सक्‍ति दिय, ताकि तोहार हृदय बरियार हखइ।

एफिसि 3:8

ख्रिस्‍टक पवितर जनसभमधे मुइ सबसे झिनिक भेले ताफेनि, ख्रिस्‍टक अनमोल सम्‍पति सुसमाचार अयहुदि मन्‍सावानिके सुनावेके परमेस्‍वर मोरके दाया करले बडसि।

फिलिप्‍पि 4:7

परमेस्‍वर तोहार मनवामा सान्‍ति देबसि, केहकेकि येसु ख्रिस्‍टमा तोहरा एक भेल बडह। इअ सान्‍ति तोहार बुझे सकलिसे जबड बडइ। इअ तोहार हृदय हसे मनवाके चिन्‍तासे बचोबिय।

कल्‍लसि 1:27

इअ यचम्‍मक हसे महान रहस्‍यक बात अयहुदि मन्‍सावाह फेनि बुझे सकइ कहके परमेस्‍वर यसके करलसि। उअ रहस्‍य इअ हखइ, ख्रिस्‍ट तोहारमा बास करससि, जुने गउरवक यासा हखसि।

कल्‍लसि 3:16

ख्रिस्‍टक वचन तोहारमा प्रसस्‍त रुपमा बास करइ। बुद्धियार भके एक-दोसरि जनके सिखोइह हसे सल्‍लाह दिह। परमेस्‍वरके हृदयसे धन्यवाद देके भजन, स्‍तुति हसे आत्‍मिकि गितसभ गवइह।

१ तिमोथि 6:17

इअ संसारमा भेलि धनि मन्‍सावानिके घमन्‍डि झिन हखिह हसे अनिस्‍चित धन-सम्‍पतियामा यापन यासा झिन रखिह कहके आग्‍या देसि, बाकि जम्‍मे चिजुवा बहुताहेसे हमराके उपभोग करे देलाहर परमेस्‍वरमा भरोसा राखेके हुनुकाके सिखोसि।

फिलेमोन 1:4

मुइ परथाना करइकि तोरके समझके मोर परमेस्‍वरके सबदिन धन्‍यवाद देसहिँ।

१ पतरुस 5:1

मुइ फेनि मन्‍डलिक एगुडा एल्‍डर भेलेसे ख्रिस्‍टक भोगलि कस्‍टके यपनहिँ देखले बडहिँ हसे पाछा यइना महिमामा सहभागि हखबहिँ। उहेसे मुइ तोहार बिचा भेलि एल्‍डरवानिके बिन्‍ति करके कहइ बडहिँ,

१ पतरुस 5:10

तोहरा किहो समय कस्‍ट भोगलेपर, हमार महान दयगर परमेस्‍वर, जुने तोहराके ख्रिस्‍टमा अनन्‍त महिमामा सहभागि हखेके तहिँया बलोले बडसि, हुने यपनहिँ तोहराके फेरि स्‍थापना करबसि, सिद्ध बनोबसि, बरियार बनाके स्‍थिर करबसि।